A Feira das Linguas Indíxenas Nacionais de México (FLIN) permitiu difundir entre a cidadanía mexicana o proxecto do Atlas das Linguas Indíxenas Nacionais que está en proceso de elaboración por parte do INALI (Instituto Nacional de Linguas Indíxenas).

Fonte: Ensenada

Tanto Google como Microsoft incorporaron o idioma oriya aos seus respectivos motores de tradución automática. A lingua oriya é falada por 35 millóns de persoas na India.

Fonte: Global Voices

Un estudo realizado na Universidade de Georgetown en Washington (EUA) revelou que as nenas e os nenos usan os dous hemisferios do cerebro para procesaren o contido lingüístico, a diferenza das persoas adultas que só empregan o hemisferio esquerdo.

Fonte: U.S.News

Un informe do Consello de Europa ditaminou que o Reino Unido non fixo abondo para promover algunhas linguas minorizadas como o córnico, o irlandés e o escocés do Úlster.

Fonte: The Guardian

O fornecedor de servizos de telecomunicacións Altice Portugal aproveitou o Día Internacional da Alfabetización para presentar, co apoio da Fundación Altice, o Novo Atlas da Lingua Portuguesa, unha ferramenta de difusión da notoria influencia da lingua portuguesa no mundo.

Fonte: Bairrada Informaçāo

Unha nova plataforma virtual permitirá que os tradicionais Cursos de Primavera da Facultade de Linguas da Universidade de Córdoba (Arxentina) se ofrezan completamente en liña.

Fonte: La Voz

Hai agora 178 anos publicouse en Uruguai, na primeira páxina do diario Le Messager Français, unha nota que pasaría á historia por ser a primeira noticia en éuscaro editada no continente americano.

Fonte: Noticias de Navarra

A Universidade Católica Portuguesa oferta o Mestrado en Lingua de Signos Portuguesa e Educación para Xordos. Trátase dunha formación especializada única en Portugal.

Fonte: Renascença

A Gramática do Português – Volume III da Fundación Calouste Gulbenkian está xa dispoñible para a venda. O novo volume, xunto aos outros dous publicados en 2013, analiza de xeito exhaustivo a lingua portuguesa na súa variedade europea.

Fonte: Plataforma 9

O Museo Virtual da Lusofonía, creado polo Centro de Estudos de Comunicación e Sociedade da Universidade do Miño, pasará a estar integrado na plataforma Google Arts & Culture. Este salto garantirá unha maior difusión da lusofonía en todo o mundo.

Fonte: Correio do Minho