Un estudo realizado polas universidades de Agder (Noruega) e Birmingham (Reino Unido) demostrou que incrementar a condición física en adultos monolingües maiores mellora a súa comprensión da linguaxe. Este achado destaca a importancia do exercicio regular para un envellecemento saudable e para mellorar as habilidades comunicativas diarias.

Fonte: Neuroscience News

As autoridades educativas norteirlandesas sinalan que Irlanda do Norte precisa dúas novas escolas secundarias para atender á crecente demanda de educación en lingua irlandesa. Actualmente existen só dúas escolas secundarias de inmersión en lingua vernácula.

Fonte: BBC

A Unesco, en colaboración coa embaixadora de boa vontade Yalitza Aparicio, destacou na Feira do Libro de Guadalaxara (México) a importancia de normalizar o uso das linguas indíxenas na vida cotiá co fin de combater a discriminación, o discurso de odio, o racismo e a violencia contra os pobos indíxenas e minorías étnicas. 

Fonte: Unesco

O cantón de Zug, en Suíza, aprobou novas normas para a obtención da cidadanía, que inclúen esixencias máis estritas en canto ao dominio do idioma local.

Fonte: The Local

A rede de escolas de inmersión en catalán na Cataluña Norte, La Bressola, advirte de que a falta de apoio económico das administracións rexionais pon en risco a súa continuidade. A entidade insta as autoridades a actuaren nos próximos cincuenta días para evitar peches de liñas educativas.

Fonte: Diari de la Llengua

O presidente de Lituania, Gitanas Nauseda, advirte de que recoñecer o catalán como lingua oficial da UE podería xerar un precedente para outras linguas rexionais, complicando a política lingüística do bloque comunitario.

Fonte: Catalan News

As universidades de Finlandia están a empregar cada vez máis o inglés como lingua principal de instrución, desprazando o finés e o sueco. Isto está a xerar preocupación sobre a preservación das linguas nacionais no ámbito académico.

Fonte: EuroWeekly News

O Ministerio de Educación marroquí anunciou un plan para capacitar máis de 3000 docentes na ensinanza da lingua tamazight, reforzando así a súa presenza no sistema educativo nacional.

Fonte: Morocco World News

O filme brasileiro dirixido por Walter Salles, Ainda estou aqui, protagonizado por Fernanda Torres, non conseguiu o premio na categoría de Mellor filme en lingua non inglesa nos Globos de Ouro, sendo superado pola produción francesa Emilia Pérez. A pesar diso, 'Ainda estou aqui' xa acumula sete premios internacionais, incluíndo Mellor guión no Festival de Venecia, e Fernanda Torres foi recoñecida como Mellor actriz, todo un triunfo para o cinema en lingua portuguesa.

Fonte: Terra

Cada ano pérdense linguas en todo o mundo, cunha taxa de desaparición que se acelera. Activistas en todo o mundo están a empregar ferramentas en liña para preservar estas linguas ameazadas, documentando e rexistrando palabras, significados e usos para manter vivas os modos de expresión e as tradicións culturais asociadas.

Fonte: The Guardian