O Departamento responsable dos asuntos das zonas de fala gaélica de Irlanda, a Comisión Fullbright Irlanda-Estados Unidos polo Intercambio Educativo e outras institucións de EUA e Canadá outorgaron unhas bolsas a 7 estadounidenses e 2 canadenses para estudar irlandés na zona de fala gaélica de Connemara.

Fonte: Irish Central

Google acaba de presentar a nova interface "Cloud Natural Language" que permitirá desenvolver aplicacións capaces de entender a linguaxe humana.

Fonte: Silicon Angle

O secretario xeral de Política Lingüística, Valentín García, participou no acto de presentación do libro Emigración e e exilio nos Estados Unidos de América: experiencias de Galicia e Azores. A obra edítana o Consello da Cultura Galega e a Fundación Luso-Americana para o Desenvolvemento.

Fonte: Xunta de Galicia

O ministro de Educación de Portugal, Tiago Brandão Rodrigues, anunciou a integración da lingua portuguesa no sistema educativo francés a partir do próximo curso grazas a un acordo asinado entre representantes educativos de Portugal e Francia.

Fonte: Renascença

A emisora de radio SBS lanzou o Concurso das Linguas Nacionais SBS co fin de promover o interese polas linguas entre a xente nova de Australia nun momento no que o a súa aprendizaxe está en declive.

Fonte: Neos Cosmos

Un conxunto de estudos científicos revela que a aprendizaxe de varias linguas pode ter efectos positivos para nenos e nenas autistas.

Fonte: Scientific American

A viceministra de Educación de Timor Leste agradece a Portugal a axuda prestada na implantación de varios proxectos que permitirán reintroducir e consolidar a lingua portuguesa no país asiático.

Fonte: Correia da Manhã

A lingüista Ana Kondic presentou a súa tradución ao tének da obra O Principiño, unha lingua tamén coñecida como huasteco que se fala nalgunhas comunidades indíxenas de México.

Fonte: La Jornada

Co obxectivo de maximizar a súa audiencia, a canle NBC fixo presión para cambiar a lingua oficial da cerimonia de apertura dos Xogos Olímpicos de Río, para que esta fose en inglés e non en portugués.

Fonte: Economía Hoy

O Goberno Rexional de Cuzco puxo en marcha unha iniciativa para dobrar ao quechua filmes como O rei león ou Star Wars, entre outros, co obxectivo de revitalizar o emprego desta lingua.

Fonte: La Prensa