Mundo
Angola manifestou o seu interese por integrar a Organización Internacional da Francofonía
En visita oficial a Francia, o presidente de Angola, João Lourenço, manifestou o seu interese por integrar a Organización Internacional da Francofonía en calidade de observador ou membro de pleno dereito.
Fonte: RTP
Representantes de Ucraína e Hungría reúnense para debater a lei sobre o ensino das linguas das minorías étnicas
Representantes dos ministerios de Educación de Ucraína e Hungría reuniranse para debater a nova norma do executivo ucraíno que prioriza o ensino da lingua ucraína nas escolas das minorías étnicas.
Fonte: Unian
As previsións demográficas revelan que o maior número de falantes de portugués estará en África
Segundo as estimacións do Observatorio da Lingua Portuguesa e tendo en conta as previsións demográficas actuais, o continente africano acollerá no futuro o maior número de falantes de portugués no mundo en detrimento do Brasil.
Un estudo revela que as persoas con destrezas lingüísticas máis baixas poden desenvolver problemas sociais
Un estudo desenvolvido en Noruega revelou que os problemas de relación social poden ser máis comúns en nenas e nenos con habilidades lingüísticas máis baixas.
Fonte: Science Nordic
Outras linguas comezan a desprazar o inglés dos primeiros postos das listas de música pop nos EUA
O ascenso ao número un das listas de éxitos musicais dunha canción coreana revela unha tendencia crecente en que o inglés xa non é a única lingua das cancións máis populares dos EUA.
Fonte: The Guardian
Luxemburgo desexa obter o estatuto de observador da Comunidade de Países de Lingua Portuguesa
O xefe de Estado de Cabo Verde, José Carlos Fonseca, informou de que Luxemburgo acaba de solicitar a adhesión á Comunidade de Países de Lingua Portuguesa como observador asociado.
Fonte: Wort.lu
O Brexit fai incrementar o número de persoas interesadas na inmersión en inglés nos Países Baixos
A saída do Reino Unido da Unión Europea incrementou nos últimos tempos o número de estudantes que están interesados en cursar estudos universitarios en inglés en centros de formación neerlandeses. O inglés é tan habitual na instrución universitaria dos Países Baixos que xa hai voces que demandan intervención gobernamental para deter esta tendencia.
Fonte: South China Morning Post
O ministro de Asuntos Exteriores de Portugal defende o labor do Instituto Internacional da Lingua Portuguesa
O ministro de Asuntos Exteriores de Portugal, Augusto Santos Silva, gaba o traballo do Instituto Internacional da Lingua Portuguesa e defende a uniformación da ortografía para preservar a coherencia da lingua.
Fonte: Jornal de Notícias
A cidade bretoa de Quimper acolle un encontro de investigación internacional sobre o bretón
A cidade de Quimper convértese no punto de encontro internacional da investigación sobre a lingua bretoa ao acoller a cuarta edición da universidade de verán sobre o patrimonio cultural.
Fonte: Le Télégramme
Un importante diario distribuirá gratuitamente o Atlas da Lingua Portuguesa
O diario de tirada nacional portugués Jornal de Notícias distribuirá gratuitamente o Atlas da Língua Portuguesa para conmemorar os 150 anos do xornal.
Fonte: Jornal de Notícias
Boletín
Subscríbase ao boletín