Un estudo da Universidade de California en Riverside revela que as persoas que falan dúas linguas poden inhibir e regular os seus impulsos no seu primeiro idioma cando se enfrontan a tarefas no segundo.

Fonte: Science Daily

O concelleiro independente Diarmaid Ó Cadhla, do Condado irlandés de Cork, presentou unha proposta para incrementar o uso do gaélico na cámara municipal.

Fonte: Evening Echo

A axencia de noticias Mezopotamya informou de que a administración local da cidade turca de Diyarbakır retirou os sinais informativos bilingües kurdo-turco das rúas da localidade.

Fonte: Ahval News

De acordo coa nova partida orzamentaria anunciada polo Goberno da República de Irlanda, a cidade de Dublín podería ter un centro especializado na promoción e aprendizaxe da linga gaélica.

Fonte: The Journal

Desde a primavera de 2020, Finlandia comezará a ofertar o ensino da primeira lingua estranxeira no primeiro ano de primaria.

Fonte: Helsinki Times

Macau acollerá a subcomisión que abordará temas sobre a lingua portuguesa entre Portugal e a Rexión Administrativa Especial de Macau. Esta decisión demostra, en palabras do presidente do Instituto Camões, que Macau é un "activo indispensable" na promoción da lingua portuguesa no continente asiático.

Fonte: PT Jornal

A compañía aérea Hawaiian Airlines introduciu o uso da lingua hawaiana nos anuncios e instrucións orais dos seus voos comerciais.

Fonte: USA Today

O Instituto Portugués de Oriente de Macau levará cabo unhas xornadas para promover a lectura en lingua portuguesa entre a poboación máis nova.

Fonte: Sapo 24

China acaba de lanzar un sitio web en chinés e inglés para que os cidadáns e estranxeiros que viven no país asiático poidan axudar a combater os casos de espionaxe.

Fonte: The Telegraph

O municipio portugués de Chaves, limítrofe coas terras de Monterrei en Ourense, conmemorará os 530 anos do primeiro libro publicado en portugués, o Sacramental, publicado en 1488.

Fonte: Notícias de Vila Real