A cidade angolana de Luanda acolle unha exposición do Museo da Lingua Portuguesa de São Paulo que pretende mostrar a historia e a diversidade desta lingua no mundo.

Fonte: Notícias ao Minuto

O presidente da República de Cabo Verde, Jorge Carlos Fonseca, defendeu a promoción do portugués a nivel internacional e apostou polo seu potencial social, económico e humano.

Fonte: Jornal de Notícias

A oficina da comisaria da Lingua Galesa, Meri Huws, publicou unha lista normalizada de nomes de lugar que deberá pór fin ás dúbidas e disputas sobre a súa escritura.

Fonte: BBC

O presidente de Indonesia, Joko Widodo, aprobou un decreto que simplificará o proceso para poder traballar no país mais introducirá a obriga de aprender formalmente a lingua indonesia.

Fonte: The Straits Times

Actualmente menos de 500 persoas poden falar córnico con fluidez. Co fin de aumentar esta cifra e asegurar a supervivencia da lingua, algunhas escolas de educación primaria de Cornualles introducen o ensino do córnico como parte do seu currículo.

Fonte: ITV

Sae á luz o primeiro volume do dicionario do idioma zapoteco que inclúe vocábulos de 62 variantes desta lingua do estado mexicano de Oaxaca.

Fonte: Almomento

A mancomunidade de municipios do País Vasco francés, Euskal Elkargoa, aprobou por maioría absoluta recoñecer, xunto ao francés, o éuscaro e o gascón como linguas do seu territorio.

Fonte: Eitb

O Departamento de Educación dos Estados Unidos de América incorporou o portugués como lingua destacada no programa de bolsas de estudo. Esta medida permitirá ampliar o número de estudantes de portugués no sistema de ensino e posibilitar que moitos estadounidenses poidan estudar en Portugal.

Fonte: Sapo 24

Amazon acaba de facer posible que as persoas que falen árabe poidan adquirir obras nesta lingua en soporte Kindle.

Fonte: Engadget

O Goberno de Singapur quere que os cidadáns do país deixen de falar unha das variedades lingüísticas máis espalladas polo país, o "singlés", un idioma crioulo baseado na lingua inglesa e que se considera de baixo prestixio.

Fonte: Atlas Obscura