Unha conferencia analiza en Londres a influencia do portugués na música, na lingua e na literatura de países de América do Sur, Asia e África.

Fonte: Diário de Notícias

A editorial Oxford University Press informou de que o videoxogo Fortnite está influenciando dun modo importante o xeito de falar dos nenos e nenas británicos de idades entre os 5 e os 13 anos.

Fonte: IGN

A organización sen ánimo de lucro Lingo Flamingo de Glasgow (Escocia) imparte clases de linguas estranxeiras a persoas anciás para tratar o problema da demencia.

Fonte: Glasgow Live

A Universidade de Tallin e o Centro Estoniano de Investigación Aplicada elaboraron un estudo que revela que case a metade dos estranxeiros residentes non consegue demostrar un bo dominio falado e escrito en lingua estoniana.

Fonte: ERR

As crónicas de Elis Gruffudd, escritas en lingua galesa entre 1550 e 1552, acaban de recibir o recoñecemento para entrar no rexistro de obras británicas de patrimonio da Unesco.

Fonte: BBC

Unha cidadá luxemburguesa presentou perante o Parlamento de Luxemburgo unha petición para que a lingua portuguesa non sexa tida en conta nas ofertas de emprego en Luxemburgo.

Fonte: Bom dia

Algunhas universidades australianas acaban de prohibir termos da lingua inglesa que non se consideran inclusivos desde o punto de vista do xénero como "mankind" (humanidade) e "workmanship" (calidade, habilidade).

Fonte: Newshub

Facebook acaba de engadir o árabe ás opcións lingüísticas da súa rede social nos dispositivos móbiles de Apple máis actuais.

Fonte: CNET

As autoridades do Condado de Limerick na República de Irlanda manifestaron a súa vontade de promover o uso do gaélico no ámbito local por medio da contratación dun especialista en lingua irlandesa.

Fonte: Limerick Leader

A autoridade unitaria de Monmouthshire (Sir Fynwy, en galés), no sur do País de Gales, dispón só de 30 membros de persoal capaces de ofrecer servizos en galés para un total de 13 900 falantes.

Fonte: Abergavenny Chronicle