Mundo
O primeiro ministro portugués defende a promoción e o desenvolvemento da lingua portuguesa en Francia
Con motivo da súa visita a París para celebrar o 10 de xuño, Día das Comunidades Portuguesas, o primeiro ministro de Portugal, António Costa, defendeu a necesidade de promover e incrementar a presenza do portugués en Francia e anunciou a posibilidade de que docentes portugueses poidan atopar traballo como formadores desta lingua no país galo.
Fonte: Renascença
Ábrese un debate en Xamaica sobre a oficialización do crioulo
As declaracións do primeiro ministro de Xamaica sobre a posibilidade de converter o español en lingua oficial sumiu o país caribeño nun profundo debate sobre se o crioulo debería recibir tamén o mesmo status.
Fonte: Nationalia
Dous hospitais belgas introducen robots que son capaces de comunicar en 20 linguas
Dous hospitais de Bélxica introduciron robots que poden comunicar en 20 linguas diferentes. Polo momento, os humanoides realizan unicamente servizos de recepción de pacientes.
Fonte: Numerama
Unha plataforma en liña ofrece aloxamento gratuíto a cambio de aprender linguas
TalkTalkBnb é unha nova rede social que pon en contacto persoas que desexan aprender unha lingua estranxeira ofrecendo en troco aloxamento gratuíto.
Fonte: RTL2
Rexeitan a posibilidade de expresarse en galés na Cámara dos Comúns
O líder da Cámara dos Comúns do Parlamento do Reino Unido, o conservador Chris Grayling, rexeitou varias peticións que reclamaban a posibilidade de empregar o galés nos discursos orais.
Fonte: BBC
A ministra de Educación de Francia anuncia a introdución do ensino do árabe nas escolas primarias
A ministra de Educación de Francia, Najat Vallaud Belkacem, anunciou a introdución do ensino opcional da lingua árabe nas escolas primarias. A medida levantou polémica entre a poboación e os medios de comunicación.
Fonte: RT
O Goberno de Ontario estudará a creación dunha universidade francófona en Toronto
O Goberno da provincia canadense de Ontario estudará a creación dunha universidade francófona en Toronto despois de que un informe avalase a súa idoneidade.
Fonte: ICI Radio Canada
O Goberno de Ecuador inaugura unha escola de fala quechua
O Goberno de Ecuador quere construír escolas co fin de promover o ensino das linguas de 14 etnias indíxenas do país. Polo momento inaugurou unha escola na vila quechua de Chibuleo.
Fonte: La Croix
Ucraína aproba medidas que obrigan as estacións de radio a emitir un mínimo de cancións en ucraíno
O Parlamento de Ucraína aprobou unha serie de medidas que obrigan as estacións de radio a respectar cotas mínimas de cancións en lingua ucraína. O propósito é incrementar a porcentaxe de cancións nesta lingua do 5 % actual ao 35 % en 2018.
Fonte: Ukraine Today
Miranda do Douro acolle con sorpresa o proxecto de creación do Museo da Lingua Portuguesa de Bragança
O presidente do municipio de Miranda do Douro acolleu con sorpresa que a Asociación da Lingua Mirandesa non fose consultada sobre o proxecto de construción do Museo da Lingua Portuguesa en Bragança.
Fonte: RTP Notícias
Boletín
Subscríbase ao boletín
