A empresa de xeados Kelly's emitirá en dúas canles de televisión británicas o primeiro anuncio publicitario en lingua córnica.

Fonte: The Guardian

O embaixador de Guinea Ecuatorial en Luanda, José Akeny, pediu apoio a Angola para o ensino e implantación do portugués no país.

Fonte: Sapo

A nova lexislación sobre a lingua galesa que aprobou a Asemblea do País de Gales está atopando unha forte oposición por parte dalgunhas entidades públicas. Segundo as novas normas, os servizos que ofrezan as entidades locais deben estar tanto en inglés como en galés.

Fonte: BBC

Unha asociación arxentina presentou un dicionario bilingüe español-mapuche co que espera difundir e revitalizar este idioma orixinario na provincia de Bos Aires.

Fuente: Terra

O baixo nivel de portugués que teñen moitos nenos e nenas de familias portuguesas en Luxemburgo pode dificultar a aprendizaxe das linguas oficiais como o luxemburgués ou o francés. Esta situación levou á Universidade de Luxemburgo a lanzar un proxecto para incentivar a lingua portuguesa no ambiente familiar.

Fonte: Wort.lu

Unha sondaxe realizada en Luxemburgo mostrou diferentes opinións sobre o exame de luxemburgués que se está a realizar a persoas que queiran optar á nacionalidade luxemburguesa. Para os luxemburgueses o exame é demasiado fácil mentres que os entrevistados estranxeiros consideran que o nivel da proba é demasiado alto.

Fonte: Wort.lu

O Goberno de Paraguai asinou un acordo co lingüista estadounidense Nicolás Gynan para facer labores de documentación que permitan salvar a lingua guaná, falada actualmente só por catro anciás.

Fonte: Terra

A Oficina Pública da Lingua Occitana lanzou o Premio Jan Moreu co fin de premiar proxectos que traten o tema da transmisión e utilización do occitano.

Fonte: Jornalet

A agrupación Iniciativa por Occitania convocou unha manifestación para defender o ensino do occitano en Provenza. O próximo curso académico suprimiranse os cursos desta lingua en institutos e escolas.

Fonte: Nationalia

A comisión de cultura do Consello Rexional de Sardeña está elaborando unha proposta de lei que pretende introducir o ensino da lingua e literatura sardas en todos os niveis de ensino.

Fonte: Orizzonte Scuola