Dous alumnos da Universidade de Washington inventaron unhas luvas que poden interpretar o movemento das mans e traducir lingua de signos.

Fonte: Boas Notícias

Os estudantes e docentes de portugués en universidade estranxeiras poderán optar a seis bolsas destinadas a estudar a lingua portuguesa e a investigar sobre ela.

Fonte: Mundo Português

A carreira reivindicativa Ar Redadeg percorrerá durante nova días a xeografía da Bretaña para fomentar o uso da lingua bretoa e recadar diñeiro para proyectos a prol do idioma vernáculo.

Fonte: Nationalia

O teatro Sherman Cymru, situado en Cardiff, capital do País de Gales, botou a andar unha iniciativa coa que pretende descubrir dramaturgos que escriban en galés e potenciar así o teatro escrito nesta lingua.

Fonte: The Stage

O ministro de Asuntos Exteriores de Portugal, Artur Santos Silva, declarou que o feito de que os Xogos Olímpicos se celebren este ano no Brasil pode ser unha oportunidade para que o portugués se converta en lingua de traballo do Comité Olímpico Internacional.

Fonte: Notícias ao Minuto

Portugal organizará 200 accións culturais para celebrar o Día da Lingua Portuguesa nun total de 58 países. O lema deste ano é "Unha lingua grande, como os mares".

Fonte: Observador

O presidente da República portuguesa, Marcelo Rebelo de Sousa, aproveitará a súa visita oficial a Mozambique para reabrir o debate sobre o Acordo Ortográfico da Lingua Portuguesa. O país africano podería non ratificar o acordo e isto sería unha oportunidade para repensar este asunto.

Fonte: Expresso

A 29 edición do Congreso das Escolas de Inmersión en Occitano reunirá expertos e nais e pais co fin de analizar a situación actual do ensino nesta lingua e os desafíos que presenta o futuro. Na actualidade, 65 centros educativos integran este proxecto de inmersión.

Fonte: Nationalia

Con motivo dunha reunión en Estrasburgo, o presidente da Rede Europea para a Promoción da Diversidade Lingüística (NPLD, polas súas siglas en inglés), Patxi Baztarrika, pediulle ao responsable da Carta Europea das Linguas Rexionais ou Minoritarias do Consello de Europa colaboración en materia de diversidade lingüística.

Fonte: La Vanguardia

Máis de 5000 persoas xa asinaron a petición en liña que lle demanda ao Goberno británico que continúe financiando o desenvolvemento da lingua córnica.

Fonte: Nationalia