Mundo
Un candidato bretón ás eleccións presidenciais defenderá a oficialización das linguas rexionais en Francia
O actual alcalde da cidade bretoa de Carhaix (Karaez en bretón) e candidato ás eleccións presidenciais de Francia, Christian Troadec, defenderá na súa campaña a oficialización das linguas rexionais e minoritarias de Francia.
Fonte: Nationalia
O Tribunal de Xustiza da UE establece que os cidadáns teñen dereito a recibir notificacións escritas na súa lingua
O Tribunal de Xustiza da Unión Europea aclarou nunha notificación enviada a un xulgado de Barcelona que os cidadáns teñen dereito a recibir as comunicacións na súa lingua propia.
Fonte: La Vanguardia
Un estudo da Universidade de Washington revela que a actividade cerebral inflúe na facilidade para aprender linguas
Un estudo realizado na Universidade de Washington revela que as persoas que aprenden linguas con máis facilidade rexistran maior actividade neuronal en certos lugares do cerebro.
Fonte: Daily Mail
Iníciase unha campaña para salvar o ensino do occitano en Provenza
Os centros de ensino de tres localidades da rexión francesa de Provenza non impartirán clases de occitano-provenzal a partir do próximo curso 2016-2017. Para condenar esta medida, a asociación Iniciativa por Occitania iniciou unha campaña de protesta.
Fonte: Jornalet
O ministro de cultura de Mozambique declara que o país africano ratificará o Acordo Ortográfico
O ministro de Cultura de Mozambique, Silva Dunduro, declarou que o seu goberno ratificará o Acordo Ortográfico da Lingua Portuguesa cando sexa oportuno. Antes de aprobalo, o país debe valorar as vantaxes e desvantaxes que pode ter este consenso lingüístico.
A aplicación Duolingo publica un mapa coas linguas que máis se aprenden no mundo
A aplicación de aprendizaxe de linguas Duolingo publicou un mapa onde se pode ver, por países, cales son as linguas que máis se aprenden no mundo. Á cabeza están o inglés, o francés e o español.
Fonte: Le Vif
Un informe dun hospital de Nunavut lembra o impacto que as barreiras lingüísticas teñen na seguridade dos pacientes
Un informe do hospital xeral Qikiqtani da cidade de Iqaluit, no territorio canadense de Nunavut, revela que a incapacidade do persoal médico de comunicarse cos pacientes en lingua inuktitut supón un risco para a súa saúde.
Fonte: CBC
Publícase a primeira banda deseñada en galés en vinte anos
O caricaturista galés Huw Aaron publica Mellten, a primeira banda deseñada en galés en máis de 20 anos. Este aventura gráfica está pensada para xente nova e estudantes de lingua galesa.
Fonte: Wales Online
A ferramenta de tradución de Google incorpora unha actualización que axiliza a comunicación en linguas estranxeiras
A ferramenta de tradución de Google acaba de incorporar unha actualización que permite traducir instantaneamente mensaxes a linguas estranxeiras dun xeito moito máis simple e rápido: a partir de agora os usuarios de Android non terán que pasar polo Tradutor de Google para entenderse con outros usuarios que falen outras linguas.
Fonte: The Telegraph
Inventan un aparello auditivo que pode traducir linguas en tempo real
Unha empresa emerxente dos EUA lanzou un aparello auditivo que permite traducir en tempo real conversas de interlocutores que falen linguas diferentes.
Fonte: News Discovery
Boletín
Subscríbase ao boletín
