Mundo
Un curso en liña de ensino do portugués como "legado" chega agora ao Xapón
Un curso pensado para educadores e investigadores interesados no portugués como "legado" ou "herdo" está revolucionando o ensino da lingua portuguesa. Despois de pasar por Europa e os Estados Unidos, chega agora ao Xapón.
Fonte: PortalMie
A acreditación do coñecemento da lingua portuguesa puntuará agora para o acceso ás universidades estadounidenses
A partir de agora, os estudantes dos EUA poderán realizar o exame de coñecemento de lingua portuguesa para poder obter puntos de acceso ás institucións estadounidenses de ensino superior.
Fonte: Jornal Económico
O Tribunal Superior de Irlanda do Norte considera que o Goberno do Úlster non cumpriu a súa obriga en materia lingüística
O Tribunal Superior de Irlanda do Norte ditaminou nunha sentenza que o Goberno do Úlster faltou ao seu deber estatutario ao non adoptar unha lei da lingua irlandesa.
Fonte: Irish Legal News
Ghana introduce a aprendizaxe obrigatoria do francés no nivel básico de ensino
O ministro de Educación de Ghana confirmou que se introducirá a obrigatoriedade de aprender francés no ensino básico.
Fonte: GhanaWeb
Portugal e Macau crean unha rede de escolas de ensino secundario que potenciará a aprendizaxe do chinés e o portugués
A rede de escolas asociadas é un proxecto aprobado recentemente por Portugal e Macau co obxectivo de potenciar as relacións no eido da educación entre a República Portuguesa e China e que axudará a potenciar o ensino do chinés mandarín nas escolas portuguesas e do portugués nos centros macaenses.
O condado galés de Denbighshire adopta unha política de promoción da lingua galesa
O condado galés de Denbighshire, no norte do País de Gales, aprobou un marco legal de cinco anos para a promoción e protección da lingua galesa.
Fonte: BusinessNewsWales
Os habitantes da provincia canadense de Yukón buscan estratexias para salvar as súas linguas nativas
O Consello das Primeiras Nacións de Yukón reuniuse co fin de buscar estratexias para revitalizar as linguas nativas que se falan nesta provincia do Canadá. Os últimos estudos mostran que o uso das linguas nativas sufriu un importante declive.
Fonte: CBC
Un novo estudo elaborado por Eurostat revela que o francés é aínda a segunda lingua estranxeira máis estudada na UE
Un novo estudo elaborado recentemente pola Oficina Estatística da Unión Europea (Eurostat) revelou que o francés se mantén aínda como a segunda lingua estranxeira máis estudada nos centros de ensino da Unión Europea, por diante do alemán e o español. O inglés continúa liderando esta lista.
Fonte: Le Figaro
Un estudo realizado pola Universidade de Zürich pon en dúbida os beneficios da aprendizaxe temperá da lingua inglesa
O cantón de fala alemá de Argovia publicou un estudo elaborado pola Universidade de Zürich que revela que o ensino precoz da lingua inglesa non presenta as vantaxes que tantas persoas esperaban.
Fonte: Swissinfo
O Consello de Europa critica o Goberno do Reino Unido por non facer suficiente para promover a lingua córnica
O comité encargado da protección das minorías nacionais do Consello de Europa criticou o Goberno do Reino Unido por reducir o orzamento destinado á promoción da lingua córnica, idioma propio de Cornualles, condado situado no extremo suroccidental de Inglaterra.
Fonte: The Guardian
Boletín
Subscríbase ao boletín
