Mundo
O Concello de Belfast inicia unha consulta para incorporar un responsable de gaélico irlandés
O Concello de Belfast, capital de Irlanda do Norte, iniciou unha consulta pública para que a cidadanía exprese a súa opinión sobre como incorporar o gaélico irlandés e outras linguas minoritarias á axenda municipal. Entre as medidas proporase a elección dun responsable de gaélico.
Fonte: BBC
Un grupo de científicos analiza o percorrido das linguas bantús na África subsahariana
Un grupo internacional de científicos, entre os que se atopan tres portuguesas, publicou un mapa na revista Science que mostra a expansión das linguas bantús na África subsahariana.
Fonte: Público
O ministro de Xustiza de Luxemburgo afirma que o luxemburgués non é un obstáculo para obter a nacionalidade
O ministro de Xustiza de Luxemburgo, Félix Braz, afirmou que, segundo a nova lei, o luxemburgués non será un obstáculo para obter a nacionalidade luxemburguesa.
Fonte: Diário de Notícias
Xa foi adxudicado o proxecto para o Museo da Lingua Portuguesa de Bragança
Unha empresa de Lisboa gañou o concurso público para a construción do Museo da Lingua Portuguesa de Bragança que se desenvolverá nuns antigos silos.
Fonte: Mensageiro de Bragança
O Parlamento de Ucraína aproba unha lei que limita o uso do ruso na televisión
O Parlamento de Ucraína aprobou unha nova lei que estipula que as canles de televisión deben emitir un 75% dos seus contidos en lingua ucraína.
Fonte: Broadband TV News
Unha nova escola de inmersión en galés abrirá as súas portas en Cardiff
O Concello de Cardiff recibiu o financiamento necesario para abrir unha nova escola de ensino primario de inmersión en galés na capital do País de Gales.
Fonte: ITV
O cónsul de Portugal en Guinea Ecuatorial declarou que o país africano avanzou pouco no ensino do portugués
O cónsul de Portugal en Guinea Ecuatorial declarou nunha entrevista que o país africano, membro da CPLP, non rexistrou melloras no ensino da lingua portuguesa.
Fonte: RTP
A Universidade de Macau inaugura un centro de formación chinés-portugués
A Universidade de Macau inaugurou o Centro de Ensino e Formación Bilingüe Chinés-Portugués que, alén de ofrecer cursos de capacitación, desenvolverá investigación no ensino da lingua portuguesa.
Fonte: Ponto final
Máis de catro millóns de peruanos falan linguas indíxenas
A directora de Educación Básica no Ámbito Rural do Ministerio de Educación do Perú informou de que existen no país andino 47 linguas indíxenas faladas por unha poboación total de 4 millóns de persoas.
Fonte: Perú.com
O acceso masivo ao ensino en inmersión en galés é clave para acadar o obxectivo do millón de falantes para 2030
Un estudo elaborado polo grupo de apoio á lingua galesa Cymdeithas yr Iaith Cymraeg revela que se o Goberno do País de Gales quere acadar o obxectivo do millón de falantes para 2030, a maioría do alumnado deberá estar escolarizado en centros onde a lingua de instrución sexa o galés.
Fonte: Wales Online
Boletín
Subscríbase ao boletín
