O Ministerio de Asuntos Exteriores de Portugal presentará a plataforma "Portugués máis preto" que está especialmente pensada para nenos e nenas de orixe portuguesa escolarizadas no estranxeiro.

Fonte: Sapo24

O Tribunal de Xustiza da Unión Europea deulle luz verde a unha iniciativa cidadá para garantir a protección dos dereitos das persoas que pertencen a minorías nacionais e lingüísticas. Entre as iniciativas está a creación dun centro de diversidade lingüística e loita contra a discriminación.

Fonte: La Vanguardia

O Goberno de Portugal, en palabras do Ministro de Asuntos Exteriores, Augusto Santos Silva, rexeitou a revisión do Acordo Ortográfico da Lingua Portuguesa proposta pola Academia das Ciencias de Lisboa.

Fonte: Diário de Notícias

O grupo de apoio á lingua galesa Cymdeithas yr Iaith Gymraeg solicitou a Londres que transfira a Cardiff a competencia referida á radiodifusión pública co fin de ampliar o número de canles de televisión e radio en lingua galesa.

Fonte: Daily Post

Publican unha curtametraxe que denuncia con exemplos tirados de diferentes producións audiovisuais a discriminación e o menosprezo que aínda sofren os falantes de occitano en Francia.

Fonte: Jornalet

O Diario da República portuguesa publicou dúas resolucións parlamentarias que recomendan iniciar unha política activa a prol do desenvolvemento do portugués no ámbito internacional.

Fonte: Notícias ao Minuto

O Goberno de Escocia ofertará unhas bolsas para que habitantes da provincia canadense de Nova Escocia poidan aprender e perfeccionar o seu gaélico escocés na Illa de Skye (Escocia).

Fonte: Herald News

Políticos de diferentes ideoloxías e activistas demandáronlle ao Goberno de Irlanda do Norte que aprobe unha política que garanta a protección e a promoción do gaélico irlandés.

Fonte: Belfast Telegraph

Os deputados do Goberno brasileiro de Mato Groso do Sur queren reunirse con profesionais do ensino para debater e estudar a exclusión da literatura como materia no ensino secundario e a súa integración na disciplina de lingua portuguesa.

Fonte: Campo Grande News

Un profesor universitario e membro do comité rexional da provincia chinesa de Sichuan demandou que se introduza o ensino en lingua tibetana para nenos e nenas de orixe tibetana que viven na cidade de Chengdu.

Fonte: The Tibet Post