Mundo
Portugal crea un grupo de traballo para regulamentar a docencia da lingua de signos
O Goberno portugués creou un grupo de traballo para estudar a regulamentación profesional da docencia da lingua de signos portuguesa en todo o país.
Fonte: Observador
Unha organización do norte de Gales axudará os profesionais médicos a ofrecer atención médica en galés
A organización de apoio á lingua galesa Menter Iaith prestará apoio e asesoramento a profesionais médicos do norte de Gales para que poidan ofrecer servizos de atención sanitaria en galés.
Fonte: Daily Post
Un investigador da Universidade de Leiden realiza un estudo comparativo sobre a situación das linguas de España e de Italia
Baixo o título Regional and Minority languages in the European Union: a comparative study, o investigador Steven Boer da Universidade de Leiden (Países Baixos) compara a situación lingüística de Italia e España.
Fonte: Galicia Confidencial
A canle de televisión en lingua galesa S4C recibirá axudas para garantir os servizos televisivos en galés
O Goberno do Reino Unido concederá un préstamo de 10 millóns de libras esterlinas á canle de televisión S4C para garantir a retransmisión de espazos televisivos en lingua galesa.
Fonte: Cable
Tokio quere promover a inmersión en inglés co fin de incrementar o nivel da poboación máis nova para as Olimpíadas
O Goberno metropolitano de Tokio, capital do Xapón, desenvolverá a partir de 2018 un programa de inmersión en lingua inglesa co fin de incrementar as destrezas lingüísticas da poboación máis nova para as Olimpíadas de 2020.
Fonte: The Japan Times
As visitas guiadas do Museo Nacional de Taiwán inclúen o galego
O Museo Nacional de Taiwán ofrecerá visitas de balde en galego xunto a outras oito linguas estranxeiras: cantonés, coreano, español, indonesio, inglés, tailandés e vietnamita.
Fonte: Galicia Confidencial
O Goberno de Francia crea un concurso público para docentes de linguas rexionais
O Ministerio de Educación de Francia anunciou nun comunicado que aprobará a creación dun concurso público para docentes de oito linguas rexionais francesas entre as que se encontran o éuscaro, o occitano e o catalán.
Fonte: Le Figaro
Un colectivo demanda a reintrodución do bretón na televisión no departamento de Loira Atlántico
O colectivo de defensa da lingua bretoa Brezhoneg er skinwell manifestouse para demandar que se volva empregar o bretón nas retransmisións da televisión pública no departamento francés de Loira Atlántico. As emisións desta lingua foron interrompidas no ano 2002 despois de 30 anos de difusión continuada.
Fonte: Jornalet
Aumenta a tensión entre o Goberno de Camerún e a poboación anglófona
Por motivos relacionados co seu pasado colonial, dúas rexións de Camerún teñen o inglés como primeira lingua fronte ao resto da poboación que se expresa normalmente en francés. Nos últimos meses, a tensión entre o goberno e a poboación anglófona creceu exponencialmente e xa se produciron cinco mortes en diferentes manifestacións.
Fonte: Quartz
O Goberno do País de Gales aprobará axudas para asociacións que promovan a lingua galesa
O ministro da Lingua Galesa, Alun Davies, anunciou que o Goberno de Gales destinará 4,2 millóns de libras esterlinas a organizacións que realicen proxectos de promoción e protección da lingua galesa.
Fonte: South Wales Argus
Boletín
Subscríbase ao boletín
