Mundo
O uso do francés provoca protestas nalgunhas zonas de Camerún
Cidadáns cameruneses de fala inglesa manifestáronse na cidade de Bamenda contra a suposta imposición do francés en espazos públicos.
Fonte: International Business Times
Un estudo revela que os estadounidenses usan cada vez máis unha lingua de índole negativa
Un estudo realizado nos EUA revelou que os estadounidenses empregan cada vez menos palabras positivas. Aínda que non existe un consenso acerca das causas desta tendencia, os investigadores apuntan a que estes cambios se poden deber á variación dos estados de ánimo e a circunstancias de índole social.
Fonte: PHYS
A Academia das Ciencias de Lisboa quere perfeccionar o Acordo Ortográfico
A Academia das Ciencias de Lisboa presentará unha proposta para cambiar e perfeccionar o Acordo Ortográfico de 1990. En concreto, vai propor a reincorporación á lingua de consoantes mudas.
Fonte: Diário de Notícias
A primeira ministra de Polonia pídelle a Theresa May que introduza o ensino do polaco nas escolas británicas
En visita oficial ao Reino Unido, a primeira ministra de Polonia, Beata Szydło, solicitoulle ao Goberno británico que aprobe medidas para atender a importante comunidade polaca no país. Entre as iniciativas, solicitou a introdución da lingua polaca nas escolas.
Fonte: Daily Mail
Unha proposición de lei debaterá a oficialización da lingua véneta
O Goberno da Rexión do Véneto debaterá unha proposición de lei para oficializar a lingua véneta e situala ao mesmo nivel có italiano.
Fonte: The Telegraph
A Academia Gascoa de Baiona organizará actos co fin de promover esta variedade da lingua occitana
A Academia Gascoa de Baiona, no País Vasco francés, organizará un bo número de actividades para conmemorar o seu noventa aniversario. Todos os actos teñen como obxectivo a promoción e revitalización da lingua gascoa que tamén se fala, xunto co éuscaro, nesta zona de Iparralde.
Fonte: Deia
Un programa educativo levará auxiliares nativos de lingua alemá a institucións de ensino brasileiras
O Ministerio de Educación do Brasil promove o Programa de Auxiliar de Ensino de Lingua Alemá que enviará profesores auxiliares desta lingua a 12 institucións de ensino superior brasileiras.
Fonte: Portal Brasil
A nova rexión de Occitana apoiará o desenvolvemento das linguas catalá e occitana
A presidenta da nova rexión francesa que leva o nome de Occitania, Carole Delga, declarou que o novo ente público apoiará o Centro Interrexional de Desenvolvemento do Occitano (CIRDÒC) e as linguas catalá e occitana.
Fonte: Jornalet
O Centro da Lingua Galesa de Cardiff pide axuda para garantir a súa supervivencia
O Centro da Lingua Galesa que abriu no edificio da antiga biblioteca no centro de Cardiff pediu axuda para poder seguir ofrecendo servizos en galés.
Fonte: BBC
O representante do Brasil perante a CPLP considera que o maior uso do portugués no eido internacional é un asunto político
O representante do Brasil perante a Comunidade de Países de Lingua Portuguesa (CPLP), Gonçalo de Barros Carvalho e Mello Mourão, declarou que o maior uso do portugués nos organismos internacionais é un problema eminentemente político e orzamentario.
Fonte: Agência Brasil
Boletín
Subscríbase ao boletín
