Mundo
A Cámara dos Deputados do Brasil impulsa un proxecto para que os indíxenas poidan ir cun intérprete aos procesos xudiciais
Unha lei da Cámara dos Deputados do Brasil permitirá que os indíxenas brasileiros poidan ir acompañados dun intérprete da súa lingua nativa aos procesos xudiciais de ámbito penal.
Fonte: Radioagência Nacional
A Casa Branca crea unha conta en Twitter en lingua española
A Casa Branca abre agora unha conta en español en Twitter, poucos días despois de que pechase a páxina nesta lingua do seu sitio web.
Fonte: Washington Examiner
A Asemblea Nacional francesa adopta unha proposición de lei para a protección das linguas rexionais
A Asemblea Nacional de Francia adoptou por 63 votos a favor e 3 en contra unha proposición de lei que avoga pola protección das linguas rexionais.
Fonte: Franceinfo
Asínase un acordo para fortalecer o ensino do portugués na educación superior de Timor Leste
O instituto Camões e a Universidade Nacional Timor Lorosa'e de Timor Leste asinaron un acordo para reforzar a formación dos profesores portugueses no país asiático e promover a lingua portuguesa como vehículo de comunicación.
Fonte: Sapo 24
Un estudo revela que o coñecemento da lingua dun país é o principal factor de construción identitaria
Un estudo realizado polo Centro de Estudos Pew dos EUA revela que o coñecemento dunha lingua ten maior peso na conformación da identidade das persoas que o país de nacemento ou os costumes e as tradicións dun país.
Fonte: Pew Research Center
O Senado de Italia aproba un proxecto de lei que recoñece a lingua de signos
O Senado da República italiana aprobou o proxecto de lei que avoga polo recoñecemento da lingua italiana de signos. Trátase dun primeiro paso previo á aprobación, perante o Goberno italiano, dunha lei nacional que poida garantir a plena integración da comunidade xorda.
Fonte: Mainfatti
A plataforma web da Khan Academy está agora dispoñible en portugués
A plataforma educativa Khan Academy está agora dispoñible en lingua portuguesa. A comunidade educativa lusófona poderá a partir de agora descargar os contidos interactivos da plataforma na lingua de Camões.
Fonte: Observador
O Ministerio de Asuntos Exteriores portugués presenta unha nova plataforma para o ensino da lingua portuguesa
O Ministerio de Asuntos Exteriores de Portugal presentará a plataforma "Portugués máis preto" que está especialmente pensada para nenos e nenas de orixe portuguesa escolarizadas no estranxeiro.
Fonte: Sapo24
O Tribunal de Xustiza da Unión Europea dálle luz verde a unha iniciativa cidadá para protexer as minorías lingüísticas
O Tribunal de Xustiza da Unión Europea deulle luz verde a unha iniciativa cidadá para garantir a protección dos dereitos das persoas que pertencen a minorías nacionais e lingüísticas. Entre as iniciativas está a creación dun centro de diversidade lingüística e loita contra a discriminación.
Fonte: La Vanguardia
O Parlamento de Portugal di non á revisión do Acordo Ortográfico da Lingua Portuguesa
O Goberno de Portugal, en palabras do Ministro de Asuntos Exteriores, Augusto Santos Silva, rexeitou a revisión do Acordo Ortográfico da Lingua Portuguesa proposta pola Academia das Ciencias de Lisboa.
Fonte: Diário de Notícias
Boletín
Subscríbase ao boletín
