Unha pequena comunidade de orixe europea, que vive no estado brasileiro do Paraná, usa aínda expresións que pertencen á lingua véneta, falada no nordeste de Italia.

Fonte: Notícias ao Minuto

Co fin de reducir as barreiras lingüísticas, o Xapón comezou xa a prepararse para atraer o máximo número de visitantes para os Xogos Olímpicos de 2020. Entre as medidas, destaca a formación de voluntarios que farán labores de interpretación.

Fonte: The Japan Times

A revista dixital Blimunda publicou por primeira vez en portugués o texto "Meditação sobre uma jangada" no sitio web da Fundación José Saramago.

Fonte: RTP

O "Ciberdúvidas", proxecto dedicado ao esclarecemento de dúbidas sobre a lingua portuguesa, está pasando por dificultades e está considerando deixar de ofrecerlles os seus servizos aos millóns de falantes e estudantes de portugués do mundo.

Fonte: Diário de Notícias

A última lei sobre a lingua galesa, que entrou en vigor en 2016, será sometida a unha profunda revisión, tal como anunciaron algúns ministros do País de Gales.

Fonte: BBC

Nunha conferencia organizada pola Federación Nacional de Profesores de Portugal, os profesores de lingua de signos portuguesa esixiron que se recoñezan os seus dereitos e que deixen de ser contratados como técnicos.

Fonte: Público

Un relatorio do Tribunal de Contas de Portugal esixirá que os documentos relacionados con instrumentos financeiros conten a partir de agora cunha versión en lingua portuguesa.

Fonte: Observador

Angola e Portugal renovarán o seu acordo de colaboración que garantirá a formación de funcionarios angolanos na lingua de Camões. Alén de diplomáticos, Portugal axudará agora a formar profesores, xornalistas e médicos.

Fonte: Portugal Digital

A Cámara dos Deputados de Luxemburgo debaterá dúas propostas que abordarán o papel da lingua luxemburguesa no ámbito administrativo e xudicial.

Fonte: Luxemburger Wort

Dous dos candidatos que se presentaron para presidir o Parlamento Europeo, o socialista Gianni Pitella e a conservadora Helga Stevens, posicionáronse a favor do uso do catalán nos plenos da Eurocámara.

Fonte: El Nacional