O 90 % dos funcionarios do Parlamento de Timor Leste están inscritos nos cursos anuais de lingua portuguesa.

Fonte: RTP

A ministra francesa de Educación, Najat Vallaud-Belkacem, confirmou que é factible abrir un proceso selectivo de profesores de occitano no ensino público.

Fonte: Jornalet

O secretario executivo da Comunidade de Países de Lingua Portuguesa (CPLP), Murade Murargy, declarou que a aplicación do acordo ortográfico non debería ser unha prioridade e avogou pola comunicación entre todos os lusófonos.

Fonte: Rede Angola

Unha nena rusa de catro anos abraiou o mundo tras demostrar nun concurso de televisión que pode falar sete linguas estranxeiras.

Fonte: Diário de Notícias

O encargado da Comisión Europea de levar adiante as negociacións do Brexit, Michel Barnier, anunciou que desexa que estas se leven a cabo exclusivamente en francés. Esta decisión cambiaría a práctica habitual de optar polo inglés para abordar asuntos internacionais no seo da Unión Europea.

Fonte: Politico

Un proxecto apoiado polo Ministerio de Cultura de Colombia quere crear unha tipoloxía dixital para que os indíxenas da etnia wounaan poidan usar a súa lingua nativa no teclado dos ordenadores convencionais.

Fonte: Terra

O municipio galés de Wrexham (Wrecsam, en galés) quere desenvolver un programa de cinco anos que ten como obxectivo a promoción do uso do galés no ente municipal.

Fonte: LocalGov

O Ministerio de Cultura do Perú e o goberno da rexión de Apurímac están a piques de aprobar unha lei que fortalecerá e protexerá os dereitos dos falantes das linguas indíxenas que se falan na zona.

Fonte: Crónica Viva

O historiador experto en filosofía indíxena, Miguel León-Portilla, defendeu a necesidade de que o Goberno de México desenvolva políticas que garantan a supervivencia das linguas indíxenas.

Fonte: Tele Sur

A nova produción cinematográfica de Disney, Moana, será a primeira longametraxe traducida á lingua tahitiana.

Fonte: BOL