Mundo
Unha delegación de falantes de inuit visita o País de Gales para aprender estratexias que permitan salvar a súa lingua
Unha organización de apoio á lingua inuit viaxou ao País de Gales para aprender estratexias que permitan revitalizar esta lingua aborixe do Canadá.
Fonte: CBC
O Goberno do Véneto presenta un sitio web con recursos en lingua véneta
O presidente do Consello Rexional do Véneto presentou o sitio web www.linguaveneta.it que recolle información e recursos sobre a lingua véneta.
Fonte: Treviso Today
Romanía nomea unha primeira ministra musulmá de lingua turca
Romanía convértese no primeiro país da Unión Europea en nomear unha primeira ministra de relixión musulmá. Sevil Shhaideh, de 52 anos, pertence á minoría tártara de lingua turca.
Fonte: Diário de Notícias
A Asemblea da República aproba o proxecto que permitirá desenvolver a Rede do Ensino do Portugués no Estranxeiro
O Partido Socialdemócrata portugués (PSD) presentou na Asemblea da República portuguesa un proxecto de resolución que permitirá desenvolver o ensino do portugués no estranxeiro, sobre todo, en países onde existan importantes comunidades de portugueses.
Fonte: Wort
A Universidade de Oxford incorporará un especialista en estudos medievais e renacemento portugués
A Universidade de Oxford desexa incorporar un especialista que imparta estudos medievais e renacemento portugués. Os candidatos deberán falar inglés e portugués con fluidez.
Fonte: Plataforma 9
Un festival en Miranda do Douro promoverá o contacto coa lingua mirandesa
Miranda do Douro acolle o festival Geada cunha serie de actividades que inclúen a música e danza tradicionais e o contacto coa lingua mirandesa.
Fonte: Hardmusica
O embaixador da CPLP Gonçalo Mello prognostica un período de expansión para a lingua portuguesa
O representante do Brasil perante a Comunidade de Países de Lingua Portuguesa (CPLP), Gonçalo Mello Mourão, resaltou a importancia da lingua portuguesa no escenario internacional e considera que vai medrar no futuro.
Fonte: Notícias ao Minuto
Un encontro reivindica unha maior presenza en internet das linguas indíxenas de Bolivia
Un grupo de falantes de linguas indíxenas de Bolivia reuniuse nunhas xornadas para reivindicar unha maior presenza destes idiomas en internet.
Fonte: Global Voices
Cada 14 días morre un idioma no mundo
Segundo datos da Unesco, cada 14 días morre un idioma, unha tendencia que, de continuar así, suporía a perda da metade das linguas que se falan no mundo.
Fonte: HRN
Crean un tradutor automático de surcoreano e norcoreano para dispositivos móbiles
Unha organización sen ánimo de lucro surcoreana creou un tradutor automático que axude na perda da unidade lingüística entre as dúas Coreas xa que, como demostran os datos, os estudantes provenientes de Corea do Norte entenden menos do 50% dos termos que figuran nos seus libros de texto.
Fonte: El Comercio
Boletín
Subscríbase ao boletín
