O motor de busca yongzin.com constitúe un portal unificado para os principais sitios web en lingua tibetana en China.

Fonte: Spanhish.China

Os Tribunais Electorais aprobaron o deseño das papeletas electorais nas que, como novidade, se incorporará o idioma orixinario como recoñecemento da plurinacionalidade de Bolivia.

Fonte: Eju

O British Council mostrou a súa preocupación pola diminución do estudo de linguas modernas nos centros de ensino de secundaria no País de Gales. A organización denunciou que esta situación supón un prexuízo para a economía do país.

Fonte: ITV

Os centros de ensino do inglés no Reino Unido temen que a ruptura coa Unión Europea (Brexit) afecte negativamente ao número de matriculados. Ante a nova situación, o Goberno británico podería impor máis restricións á entrada de estudantes procedentes da Unión Europea.

Fonte: Financial Times

Un profesor do estado brasileiro de Espírito Santo creou a primeira aplicación para móbil que permite aprender a lingua pomerana, variedade do alemán falada nalgúns estados meridionais do Brasil.

Fonte: Globo

O ministro principal de Gales, Carwyn Jones, anunciou no festival nacional Eisteddfod un novo plan para incrementar o número de falantes de galés a un millón en 2050.

Fonte: BBC

O sitio web Oxford Dictionaries, da Universidade de Oxford, creou a iniciativa #OneWordMap que pretende reunir opinións sobre palabras da lingua inglesa e realizar un estudo posterior por país.

Fonte: The Bookseller

A Asociación de Profesores de California quere levar adiante a iniciativa gobernamental que pretende implantar a educación bilingüe nas escolas do estado.

Fonte: The Sacramento Bee

A 24 edición da Bienal Internacional do Libro de São Paulo dedicará un espazo expositivo de 120 metros cadrados ao Museo da Lingua Portuguesa.

Fonte: Notícias ao Minuto

O novo goberno indíxena deline, na rexión de Sahtu, no noroeste do Canadá, quere aprobar leis que garantan a protección e promoción da lingua sahtu, falada polo 70 % da comunidade.

Fonte: Nationalia