O Departamento de Educación do Reino Unido aceptou o proxecto de creación dunha escola bilingüe inglés-portugués para alumnos de entre 4 e 11 anos.

Fonte: TSF

Un grupo de expertos denunciou que na actualidade hai problemas en Portugal para ofrecerlles cursos de portugués aos máis de 700 refuxiados acollidos no último ano.

Fonte: Público

O Instituto Camões acaba de estrear un novo portal electrónico co obxectivo de ofrecer información e servizos dun xeito simple e innovador.

Fonte: Diário Digital

Membros da Unión de Cidades Capitais de Lingua Portuguesa (UCCLA, polas súas siglas en portugués) visitaron Macau e a rexión chinesa de Jiangsu para acordar o incentivo do ensino do portugués na Universidade de Yangzhou.

Fonte: Ponto final

Defensores da lingua galesa criticaron que o Goberno de Gales destinase desde 2011 só 40 000 libras á promoción do cinema en galés, mentres que a cifra para o fomento dos filmes en inglés ascendeu a 7 millóns de libras.

Fonte: Wales Online

A comisaria de Lingua Galesa, Meri Huws, criticou a deterioración dos servizos en galés no sitio web do Goberno do Reino Unido.

Fonte: BBC

O Goberno da rexión de Puglia, no sur de Italia, aprobou dúas axudas públicas para o financiamento de cursos de linguas no estranxeiro para a xente nova.

Fonte: Pugliain

O Goberno de Australia quere introducir un programa educativo que lle permitirá ao alumnado de escolas infantís familiarizarse co estudo dunha lingua estranxeira. De momento, as linguas máis demandadas son o chinés, o xaponés, o francés e o indonesio.

Fonte: The Mercury

A Universidade de York, en Toronto (Canadá), fomentará os estudos portugueses e luso-brasileiros por medio do premio "Pedras Negras: Espírito Açoriano" que homenaxea a figura do escritor azoriano José Dias de Melo.

Fonte: Notícias ao Minuto

Con motivo do día da lingua de signos portuguesa, o presidente da República portuguesa, Marcelo Rebelo de Sousa, anunciou a publicación de vídeos dos seus discursos coa tradución a esta lingua.

Fonte: Diário de Notícias