Mundo
O Consello das Comunidades Portuguesas aposta por unha maior divulgación da lingua portuguesa en Macau
O ministro de Educación de Portugal, Tiago Brandão, reuniuse cos conselleiros das Comunidades Portuguesas para debater o peso que a lingua portuguesa debe ter no ensino público e privado da Rexión Administrativa Especial de Macau. No encontro, salientouse a necesidade dunha maior divulgación do portugués.
Fonte: Ponto Final
O sitio web do Parlamento Británico reúne todos os servizos en lingua galesa nun só espazo
O Parlamento do Reino Unido reuniu todos os servizos en lingua galesa nun único espazo virtual dentro do seu sitio web. A nova páxina virtual chámase "Y Gornel Gymraeg" (O recuncho galés).
Fonte: BBC
O Ministerio de Asuntos Exteriores de Italia organiza a Semana da Lingua Italiana no Mundo
O Ministerio de Asuntos Exteriores de Italia organiza do 17 ao 23 de outubro a Semana da Lingua Italiana no Mundo. O tema desta nova edición é o italiano e a creatividade.
Fonte: Libreriamo
Un de cada cinco estadounidenses fala unha lingua diferente ao inglés na casa
O novo censo realizado nos EUA revelou que 65 millóns de estadounidenses falan unha lingua diferente ao inglés no ámbito familiar. O árabe, o hindi e o urdú son as linguas que rexistraron un maior incremento.
Fonte: The Daily Caller
Parlamentarios británicos alertan da necesidade de tomar medidas para evitar unha crise lingüística no Reino Unido
Un grupo de parlamentarios do Reino Unido advertiu da necesidade de tomar medidas urxentes para evitar a falta de traballadores competentes en linguas estranxeiras cando o Reino Unido deixe de formar parte da Unión Europea.
Fonte: International Business Times
A maioría dos funcionarios do Parlamento de Timor Leste inscribiuse nos cursos de formación de portugués
O 90 % dos funcionarios do Parlamento de Timor Leste están inscritos nos cursos anuais de lingua portuguesa.
Fonte: RTP
Francia garante a aprobación dun proceso de selección de docentes de occitano
A ministra francesa de Educación, Najat Vallaud-Belkacem, confirmou que é factible abrir un proceso selectivo de profesores de occitano no ensino público.
Fonte: Jornalet
O secretario executivo da CPLP considera que a aplicación do acordo ortográfico non é unha prioridade
O secretario executivo da Comunidade de Países de Lingua Portuguesa (CPLP), Murade Murargy, declarou que a aplicación do acordo ortográfico non debería ser unha prioridade e avogou pola comunicación entre todos os lusófonos.
Fonte: Rede Angola
Unha nena de catro anos abraia o mundo despois de demostrar que fala sete linguas
Unha nena rusa de catro anos abraiou o mundo tras demostrar nun concurso de televisión que pode falar sete linguas estranxeiras.
Fonte: Diário de Notícias
A Comisión Europea quere que as negociacións do Brexit se realicen en francés
O encargado da Comisión Europea de levar adiante as negociacións do Brexit, Michel Barnier, anunciou que desexa que estas se leven a cabo exclusivamente en francés. Esta decisión cambiaría a práctica habitual de optar polo inglés para abordar asuntos internacionais no seo da Unión Europea.
Fonte: Politico
Boletín
Subscríbase ao boletín
