O primeiro dicionario da lingua portuguesa, editado en 1712, será poxado en São Paulo xunto a importantes obras da literatura brasileira.

Fonte: SRZD

Un grupo de investigadores dunha universidade británica e dúas suízas mostraron a distribución e evolución das falas dialectais do Reino Unido por medio de datos extraídos dunha aplicación móbil.

Fonte: PSFK

Unha vez analizados os resultados do referendo do Reino Unido, dous políticos franceses de diferente ideoloxía manifestáronse a favor de que o inglés deixe de ser lingua oficial das institucións europeas.

Fonte: RTP

Un grupo de investigadores da Universidade Federal de Río Grande do Sur (Brasil) está facendo traballos de documentación para transformar o dialecto de orixe xermánica hunsriqueano en lingua brasileira de emigración.

Fonte: Pioneiro

Escocia está facendo esforzos para incrementar e liderar internacionalmente a provisión de servizos en lingua de signos, tal como demostra a nova oferta educativa de ensino superior da Universidade de Heriot-Watt en Edimburgo. Actualmente este centro de ensino ofrece un grao, un mestrado e un doutoramento en diferentes variedades desta lingua.

Fonte: Herald Scotland

O programa "Vacacións divertidas de verán", promovido pola freguesía portuguesa de Alvaräes, en Viana do Castelo, pretende fomentar a aprendizaxe e preservación da lingua e tradicións portuguesas entre nenos e nenas que pasan as vacacións de verán na zona.

Fonte: Rádio Alto Minho

A lingua portuguesa é orixe de variedades lingüísticas crioulas en Malaisia, Sri Lanka, India, Paquistán e China (Macau). Porén, estas variedades están en risco de extinción, tal como informaron expertos nunha conferencia en Malaca (Malaisia).

Fonte: Diário de Notícias

A Comisión Europea confirma que os resultados do referendo no Reino Unido non supoñen ningunha ameaza para o status do inglés e o irlandés como linguas oficiais en Europa.

Fonte: The Times

Skype presentou unha nova versión da súa aplicación que incorpora soporte lingüístico en dous idiomas que se escriben de dereita á esquerda: o árabe e o hebreo.

Fonte: Android Community

O barrio de Jackson Heights, no distrito neoirquino de Queens, acolle persoas de moitas culturas que falan unhas 130 linguas diferentes. Un bo exemplo é o mustang, un dialecto do tibetano orixinario das montañas do Himalaia.

Fonte: PRI