A plataforma en liña Duolingo introduciu unha nova funcionalidade de conversa simulada para facer máis eficaz a aprendizaxe de linguas.

Fonte: Übergizmo

O Goberno de Timor Leste aprobou un protocolo de cooperación con Portugal para que o país europeo colabore na formación de xornalistas no ámbito da lingua portuguesa.

Fonte: CM

O Instituto Camões presentou as medidas de promoción do portugués como lingua global. Entre elas destaca a introdución e consolidación do portugués no ensino superior, en particular nos Estados Unidos.

Fonte: A Bola

Cabo Verde apostará polo ensino da lingua chinesa nas escolas de ensino secundario a partir do curso 2017-2018.

Fonte: Porto Canal

Un alumno de doutoramento da Facultade de Medicina da Universidade de Niza pronunciou, con motivo da defensa da súa tese, o primeiro xuramento hipocrático en lingua corsa.

Fonte: Corse-matin

A partir de agora os usuarios de Skype poderán traducir conversas en tempo real á lingua rusa por medio da súa ferramenta de tradución automática Skype Translator.

Fonte: Tudocelular

O Goberno británico publicou un cuestionario escolar que separaba a lingua italiana e outras dúas variedades do sur de Italia: o napolitano e o siciliano. Aínda que o obxectivo era garantir un bo ensino da lingua inglesa en función da orixe do alumnado, o formulario deu lugar a un conflito diplomático entre Reino Unido e Italia.

Fonte: Repubblica

O Instituto Confucio comprometeuse a duplicar o número de profesores que destina a Portugal para fortalecer o ensino do chinés mandarín nas escolas.

Fonte: Diário de Notícias

A partir do ano lectivo 2017/18, o Instituto Politécnico de Macau ofrecerá a licenciatura en lingua portuguesa e tradución.

Fonte: Observador

A Cámara dos Deputados de México aprobou unha iniciativa que permitirá que os deputados falen linguas indíxenas na Cámara dos Deputados. A medida prevé a interpretación simultánea dos discursos que se pronuncien en tribuna.

Fonte: 24 horas