A XI Conferencia de Xefes de Estado e de Goberno da Comunidade de Países de Lingua Portuguesa (CPLP) aprobou, a petición do presidente do Brasil, Michel Temer, unha proposta formal para que o portugués sexa lingua oficial das Nacións Unidas.

Fonte: Mundo Lusíada

O Goberno do Reino Unido aplicará en breve as medidas que obrigan os traballadores públicos a dominar o inglés, ou o inglés e o galés no País de Gales.

Fonte: Personnel Today

A escritora portuguesa Isabel Zambujal visitará escolas estadounidenses onde se ensina a lingua portuguesa para promover a lectura nesta lingua.

Fonte: RTP

A empresa nixeriana Lizzie’s Creations lanzou unha aplicación en liña para que os usuarios máis novos poidan aprender as primeiras palabras en catro linguas: inglés, hausa, ibo e yoruba.

Fonte: Disrupt Africa

O romanche, a cuarta lingua oficial de Suíza que conta actualmente con 60 000 falantes, podería perder unha das dúas cátedras universitarias que ten na actualidade no país helvético.

Fonte: Swissinfo

A canle de televisión TV Perú emitirá en breve un noticiario en lingua quechua, como parte dunha iniciativa que ten por obxectivo a promoción da cultura peruana.

Fonte: Capital

Lexisladores e expertos en lingüística defenderon nun congreso celebrado en Hanoi (Vietnam) a aprobación dunha lei que protexa a lingua vietnamita nos medios de comunicación.

Fonte: Tuoitrenews

Lo Telhan Medoc (Le Teillan-Médoc en francés) converteuse na primeira localidade da zona metropolitana de Bordeos que inaugurou paneis viarios de entrada á cidade en occitano.

Fonte: Jornalet

O ex-conselleiro de Traballo Ricardo Varela foi a primeira persoa que falou galego nun consello de ministros da UE un 7 de novembro do ano 2006.

Fonte: Praza Pública

O programa "Máis Educación" do Ministerio de Educación do Brasil reforzará no estado brasileiro de Alagoas o ensino do portugués e as matemáticas.

Fonte: Aqui Acontece