O Goberno portugués comprométese a reforzar a importancia da lingua portuguesa en todo o mundo por medio da promoción do seu ensino e o fortalecemento do Insttituto Internacional da Lingua Portuguesa.

Fonte: SAPO

O Festival Literario Internacional de Óbidos (Portugal) ten como obxectivo promover a edición de obras de autores que escriban en portugués.

Fonte: Oeste Global

Unha asociación de estudantes de ensino secundario de Finlandia declarou que o estudo da lingua rusa é cada vez máis popular mentres que decae o interese polas linguas europeas.

Fonte: Sputniknews

O sitio de busca de emprego Adzuna fixo un estudo sobre as linguas máis demandadas no Reino Unido. O alemán, o árabe e o francés ocupan os tres primeiros postos.

Fonte: Quartz

Expertos da Universidade de York revelaron nun estudo que a influencia do inglés falado por estranxeiros que viven en Londres podería provocar cambios na pronuncia do inglés. A análise mostra que algúns sons poderían verse alterados como consecuencia desta influencia.

Fonte: The Telegraph

O primeiro ministro de Timor Leste, Rui Maria de Araújo, quere converter o portugués na primeira lingua máis falada do país asiático. Actualmente o tetún é o idioma principal do país.

Fonte: Agência Brasil

Organizacións a favor da lingua serbia de Montenegro defenden que o Ministerio de Educación de Montenegro é partidario dunha imposición do montenegrino e do alfabeto latino nas escolas.

Fonte: Balkan Insight

O municipio alentexano de Almodôvar organiza o festival "Escritas do Sul" co que pretende promover a lingua portuguesa por medio de conferencias, obradoiros e outras iniciativas ao longo de cinco días.

Fonte: Sulinformação

A editorial de literatura en lingua occitana Letras d'Òc acaba de convocar a segunda edición do premio de tradución ao occitano de obras non francófonas. A obra gañadora recibirá un premio de mil euros.

Fonte: Jornalet

A ministra de Educación de Dinamarca, Ellen Trane Nørby, declarou que o país nórdico pretende introducir un programa de clases de dinamarqués para nenos a partir dos dous anos de familias orixinarias doutros países.

Fonte: Independent