Mundo
Poñen en marcha un proxecto para aprender a falar linguas orixinarias a través dunha aplicación móbil
Kernaia é unha plataforma impulsada en México coa que se quere promover o ensino das linguas orixinarias deste país (como mixteco, purépecha, náhuatl ou zapoteco) e tamén doutras zonas de América Latina.
Fonte: Dinero en Imagen
O francés gaña terreo como lingua dos negocios
Grazas aos países francófonos do continente africano, o francés converterase no quinto idioma máis utilizado do mundo, o cuarto en internet e o terceiro no ámbito dos negocios.
Fonte: Ouest-France
Un estudo revela que as barreiras lingüísticas seguen sendo un obstáculo para a investigación científica
Un estudo da Universidade de Cambridge revela que as barreiras lingüísticas son aínda un obstáculo para o coñecemento da investigación científica no mundo xa que unha parte importante dos traballos que se publican son en linguas diferentes ao inglés.
O sueco adoptou 43 novas palabras no último ano
Un grupo de expertos do Consello da Lingua Sueca revelou que no último ano o sueco adoptou un total de 43 novas palabras.
Fonte: The Local
Portugal incentivará as empresas a apoiar a lingua portuguesa no estranxeiro
O ministro de Asuntos Exteriores de Portugal defendeu a necesidade de que as empresas portuguesas promovan a lingua portuguesa por medio do seu apoio a lectorados e cátedras de portugués no exterior.
Fonte: Observador
Un grupo de investigadores elabora un mapa da cidade de Manchester coas linguas máis faladas en cada zona
Un grupo de investigadores da Universidade de Manchester analizou as linguas máis faladas nesta cidade inglesa e elaborou un mapa que representa as diferentes comunidades lingüísticas que hai en cada zona.
Fonte: The University of Manchester
O Goberno de Irlanda do Norte elimina unha bolsa para a aprendizaxe do gaélico
O ministro norteirlandés Paul Givan anunciou que o Goberno de Irlanda do Norte retirará o financiamento a unha bolsa que potenciaba a aprendizaxe da lingua gaélica.
Fonte: The Irish Times
A televisión pública finlandesa deixará de emitir o seu noticiario en inglés
A televisión pública finlandesa Yle deixará de emitir o seu parte de noticias en lingua inglesa. Con esta medida, a empresa pública quere concentrar os seus esforzos en incrementar a audiencia nos seus servizos en liña.
Fonte: Yle
Unha autoestrada de Iparralde perde a sinalización viaria en éuscaro
O departamento francés dos Pireneos Atlánticos vendeulle os dereitos de xestión dunha autoestrada a unha empresa privada que agora substituíu os sinais bilingües francés-éuscaro por outros onde figura só o francés.
Fonte: France Bleu
O Museo das Civilizacións de Europa de Marsella inclúe agora información en occitano
Despois de varias protestas, o Museo das Civilizacións de Europa de Marsella decidiu rectificar e traduciu ao occitano o artigo 14 da Declaración Universal dos Dereitos Humanos.
Fonte: Jornalet
Boletín
Subscríbase ao boletín
