Mundo
O Goberno de Gales publica un informe sobre a súa estratexia para acadar o millón de falantes de galés
O Goberno do País de Gales publicou un informe que aborda con detalle a estratexia de acadar un millón de falantes de galés antes de 2050. Entre as prioridades está incrementar o número de profesorado de primaria capaz de ensinar na lingua vernácula.
Fonte: The Guardian
O Goberno de Portugal reafírmase na expansión internacional da lingua portuguesa
A secretaria de Estado de Asuntos Exteriores de Portugal, Teresa Ribeiro, declarou con motivo dun encontro de investidores en Viana do Castelo que a lingua portuguesa goza de boa saúde e reiterou a aposta do executivo portugués pola súa expansión internacional.
Fonte: Diário de Notícias
Defensores do árabe maniféstanse en Marrocos en contra da lingua francesa
Con motivo da Semana do Idioma Árabe a nivel mundial, a Coalición Nacional marroquí para a lingua árabe criticou a importante presenza do francés na vida institucional do país africano o que, segundo a organización, supón un obstáculo para o desenvolvemento e normalización do árabe como lingua de uso.
Fonte: El Diario Vasco
Alxeria sae á rúa para reivindicar a promoción da lingua bérber
Milleiros de persoas achegáronse ás mobilizacións celebradas na rexión alxerina da Cabilia para protestar pola negativa do Goberno de Alxeria de financiar a ensino nesta lingua.
Fonte: Europapress
O Instituto Camões e seis universidades desenvolven un programa para potenciar o ensino do portugués
Seis universidades, catro portuguesas e dúas estranxeiras, asinaron un acordo co Instituto Camões para desenvolver un proxecto que promova e fortaleza o ensino do portugués como lingua estranxeira e lingua de herdanza.
Fonte: Público
A UNESCO defende o árabe como un instrumento para a igualdade e a dignidade con motivo do seu día mundial
A directora xeral da UNESCO, Audrey Azoulay, defendeu no Día Mundial do Árabe que esta lingua é "un instrumento para a dignidade e a igualdade así como para a emancipación e a equidade entre mulleres e homes".
Fonte: Nações Unidas
Unha organización dotará de alfabeto dixital á lingua do pobo rohingya
A organización sen ánimo de lucro Consorcio Unicode dotará á lingua do pobo rohingya, orixinario de Myanmar, un alfabeto para poder empregala no ámbito dixital.
Fonte: The Guardian
Académicos de Arabia Saudita debaten en Riad os retos aos que se enfronta a lingua árabe
Con motivo do Día Mundial da Lingua Árabe, académicos reúnense na capital de Arabia Saudita para debater os retos que a lingua afronta no panorama globalizado actual.
Fonte: Al Arabiya
Un proxecto busca fortalecer a lingua tupí da Amazonia
Un proxecto de tradución da Universidade de São Paulo que consiste na publicación dun libro con historias en lingua tupí busca fortalecer esta lingua indíxena falada na Amazonia brasileira.
Fonte: Jornal da USP
California convoca axudas para incrementar o número de profesores bilingües no estado
O Departamento de Educación de California outorgará axudas a distritos escolares e municipios para promover o ensino bilingüe nas escolas.
Fonte: EdSource
Boletín
Subscríbase ao boletín
