Mundo
Redúcese o número de auxiliares de linguas modernas en Escocia
O British Council declarou que os medos relativos ao Brexit están a provocar unha acusada baixada dos auxiliares de linguas modernas en Escocia.
Fonte: TES
O Consello de Ministros de Luxemburgo aproba unha lei que reforza o peso da lingua luxemburguesa
O Consello de Ministros de Luxemburgo aprobou unha lei que reforzará o papel da lingua luxemburguesa na sociedade. Unha das medidas será a creación do posto de comisario da Lingua Luxemburguesa.
Fonte: Wort
A illa de Pascua oficializa a lingua rapanui
O Goberno local da illa de Pascua, en Chile, aprobou unha norma municipal que converte o rapanui en lingua oficial de todo o territorio insular.
Fonte: La Tercera
Un centro de ensino de Ontario crea unha aplicación para aprender mohawk
Unha escola da provincia canadense de Ontario lanza unha ferramenta en liña que permite aprender a lingua mohawk dos nativos americanos.
Fonte: CBC
A Academia dos Óscar selecciona por primeira vez un traballo cinematográfico en lingua irlandesa
O documental Rocky Ros Muc convértese no primeiro traballo cinematográfico rodado en lingua irlandesa que competirá para os premios da Academia dos Óscar.
Fonte: RTÉ
O cantón suízo de Thurgau reforza os requisitos lingüísticos para acadar a nacionalidade
O Goberno rexional de Thurgau, en Suíza, aprobou unha lei que incrementará o nivel de lingua alemá como requisito para poder obter a nacionalidade suíza. A partir de agora os estranxeiros que queiran optar á nacionalidade no cantón deberán demostrar un nivel B2, superior ao que se esixe no resto do país helvético.
Fonte: The Local
O alemán de Pensilvania sobrevive nas comunidades Amish deste estado dos EUA
O alemán de Pensilvania medra ano tras ano nas comunidades máis tradicionais do estado de Pensilvania, como na comunidade Amish, malia perder peso en zonas urbanas e noutros estados dos EUA.
Fonte: Philly
Traducen a primeira novela de Harry Potter á lingua escocesa ou scots
A novela de J. K. Rowling Harry Potter e a pedra filosofal acaba de ser traducida á súa octoxésima lingua: o scots.
Fonte: National Public Radio
Un estudo revela as vantaxes do bilingüismo fronte aos falantes que só dominan unha lingua
Un estudo elaborado na Universidade de Oregon (EUA) revelou que os nenos e nenas que falan dúas linguas mostran maiores capacidades que os monolingües cando se trata de tomar decisións e focalizar a atención.
Fonte: Independent
A escaseza de médicos no País de Gales dificulta o uso do galés no ámbito da saúde
A dificultade para contratar persoal médico en Gales complica a atención en lingua galesa mesmo en zonas onde é a lingua principal da poboación. Os activistas da lingua galesa demandan que se garantan os dereitos dos pacientes a seren atendidos na lingua vernácula.
Fonte: Wales Online
Boletín
Subscríbase ao boletín
