Mundo
Un grupo de docentes en Francia avoga por unha lingua máis inclusiva
Un grupo de 314 profesoras e profesores de francés mostrou o seu rexeitamento ante a negativa da Academia Francesa de aceptar mudanzas normativas que convertan o francés nunha lingua máis inclusiva en cuestións de xénero.
Fonte: The Telegraph
A igrexa ortodoxa de Chipre fará a primeira misa en lingua de signos do país
Por primeira vez na historia de Chipre, a igrexa ortodoxa organizará a primeira celebración litúrxica en lingua de signos co fin de que as persoas con dificultades auditivas poidan ter acceso a este servizo relixioso.
Fonte: News in Cyprus
Crean unha aplicación en Angola para aprender a lingua kimbundu
Un grupo de educadores angolanos creou a aplicación Alfabantu que lle permitirá ao público infantil aprender e afianzar o kimbundu, unha das linguas nacionais de Angola.
Fonte: Tecnologia IG
Unha profesora do estado canadense de Alberta loita para salvar a lingua beaver da extinción
Victoria Wanihadie, profesora do estado canadense de Alberta, está loitando contra o reloxo para salvar a lingua beaver que está a piques de desaparecer.
Fonte: CBC
As reformas da educación en Luxemburgo poderían afectar ao potencial lingüístico dos escolares luxemburgueses
Un grupo de expertos en educación de Luxemburgo defende que as últimas reformas introducidas no ensino poderían pór en risco a situación privilexiada do Gran Ducado no que respecta ao dominio das linguas estranxeiras.
Fonte: Delano
Un informe alerta da necesidade de fomentar o ensino das linguas modernas no Reino Unido por mor do Brexit
Un informe de expertos do British Council alerta da urxente necesidade de promover o ensino de linguas modernas no Reino Unido dado que o Brexit podería erosionar aínda máis a xa de por si escasa capacidade lingüística dos escolares británicos.
Fonte: Tes
A República de Macedonia está a un paso de oficializar a lingua albanesa
O Parlamento de Macedonia aprobou un borrador de lei que permitiría que o albanés, falado por un cuarto da poboación do país balcánico, poida ser segunda lingua oficial.
Fonte: Fox News
Duolingo engade agora o chinés á súa oferta de idiomas
A plataforma de ensino de linguas Duolingo engadiu agora o chinés mandarín á súa oferta de idiomas e pasa a incluír un total de 27 cursos en liña.
Fonte: Digital Trends
Islandia celebra o Día da Lingua Islandesa
Islandia celebra o Día da Lingua Islandesa para conmemorar o aniversario do nacemento do poeta Jónas Hallgrímsson. Este ano a escritora agraciada co premio que leva o seu nome foi a novelista Vigdís Grímsdóttir, pola súa obra Vaknaðu Þyrnirós.
Fonte: Iceland Review
Timor Leste acolle un festival de cinema en lingua portuguesa
As cidades timorenses de Dili e Baucau acollerán o Festival de Cinema Itinerante da Lingua Portuguesa que chega este ano á súa oitava edición.
Fonte: Jornal Tornado
Boletín
Subscríbase ao boletín
