Investigadores de dúas universidades británicas e unha neerlandesa revelaron nun estudo que o consumo de alcol pode axudar a mellorar as destrezas de produción oral nunha lingua estranxeira.

Fonte: The Telegraph

A Universidade Nacional Timor Lorosa'e acolle as II Xornadas Pedagóxicas do Centro da Lingua Portuguesa que analizarán diferentes aspectos relativos á lingua, literatura e didáctica do portugués no país asiático.

Fonte: Diário de Notícias

Unha enquisa realizada por investigadores dos EUA revela que os homes seguen a dominar o ámbito da crítica literaria en lingua inglesa.

Fonte: Veja

Un académico escocés alerta que cada vez menos escolares do ensino secundario optan por realizar os seus exames finais en gaélico nas illas Hébridas Exteriores.

Fonte: The Herald

A cidade portuguesa de Santarém acolle a sexta edición do Simposio Mundial de Estudos da Lingua Portuguesa organizado polo Instituto Politécnico e a Escola Superior de Educación.

Fonte: O Riba Tejo

Un grupo de investigadores do Centro Nacional da Investigación Científica de Francia (CNRS, polas súas siglas en francés) traduce unha fábula de Esopo a 126 variedades lingüísticas de Francia e crea coas traducións un atlas sonoro en liña de linguas rexionais.

Fonte: Lenga d'òc Info

O ministro de Asuntos Exteriores de Portugal presentou a iniciativa "Empresa Promotora da Lingua Portuguesa" co fin de fomentar o uso do portugués no estranxeiro por empresas multinacionais. Polo de agora, 11 empresas adheríronse ao programa.

Fonte: Sapo 24

O ministro singapurense Chan Chun Sing defendeu a importancia de aprender e dominar a lingua malaia, terceiro idioma oficial do país, xa que serve de ponte cultural entre a rexión e o resto do mundo.

Fonte: The Straits Times

A cidade caboverdiana de Praia acolle un encontro internacional de escritores en lingua portuguesa. En total, case 30 persoeiros de diferentes ámbitos da cultura lusófona van estar presentes.

Fonte: Sapo 24

O diplomático Luís Faro Ramos, actual embaixador portugués en Cuba, será o novo presidente do Instituto Camões despois da marcha da actual dirixente Ana Paula Laborinho.

Fonte: Público