A Comunidade de Países de Lingua Portuguesa (CPLP) decidiu atribuírlle á Universidade de San Xosé, en Macau, o estatuto de observador consultivo da organización. A institución leva anos contribuíndo a afondar as relacións académicas entre China e o mundo lusófono.

Fonte: Ponto final

Aínda que non está clara a cifra total de linguas indíxenas que se falan no Brasil, todas as fontes coinciden en estimar que todas están en perigo de desaparición.

Fonte: O Povo

A coordinadora da rede de Ensino do Portugués no Estranxeiro, Regina Duarte, informou de que os proxectos actuais de promoción da lingua portuguesa no Reino Unido están mobilizando un bo número de profesores e pais e anunciou novidades no ensino do portugués no próximo ano lectivo.

Fonte: Mundo Português

O Centro Pedagóxico e Científico de Lingua Portuguesa do Instituto Politécnico de Macau quere reforzar e incrementar o ensino do portugués nas universidades chinesas. Espérase que nos próximos anos o número de institucións chinesas de ensino superior que ensinan portugués pasará das actuais 37 a polo menos 50.

Fonte: Porto Canal

Os datos actuais do estudo de linguas modernas en Escocia mostran un descenso preocupante entre o alumnado das ensinanzas medias. Actualmente só 23 000 estudantes escoceses deciden aprender unha lingua moderna, fronte aos 53 000 do informe anterior.

Fonte: Scotsman

Un comité do Parlamento de Suráfrica recomendou alterar a constitución para incorporar un novo idioma oficial: a lingua de signos. Con este cambio, o país africano pasaría a ter 12 linguas oficiais.

Fonte: BBC

En virtude das recentes modificacións da lei de protección das linguas inuit no territorio canadense de Nunavut, os organismos públicos e as empresas privadas teñen agora a obriga de ofrecer os seus servizos nunha das dúas linguas inuit.

Fonte: Radio Canada

O xornal en lingua inglesa The Buenos Aires Herald, fundado por un emigrante escocés en Arxentina en 1876, pecha despois de 140 anos de impresión.

Fonte: Knight Center for Journalism in the Americas

Un mozo bretón crea o sitio "J'apprends le québécois" para aprender a variedade francesa falada no Quebec en tan só 10 leccións.

Fonte: Le Figaro

Nunha pequena aldea ao sueste da illa grega de Eubea existe unha lingua asubiada que está a piques de desaparecer: só seis persoas poden usala no seu día a día.

Fonte: Observador