O Parlamento de Nova Gales do Sur en Sidney aproba as primeiras leis en Australia que garantirán a promoción e revitalización das linguas aborixes faladas no estado.

Fonte: ABC

O programa da Semana Cultural de China e dos Países de Lingua Portuguesa que se celebra en Macau acollerá unha mostra de teatro en lingua portuguesa organizada polo Instituto Portugués de Oriente (IPOR, polas súas siglas en portugués).

Fonte: Ponto final

Un grupo de investigadores da Universidade de Princeton publicou un estudo que revela que a linguaxe que empregamos para dirixirnos aos bebés garda uns trazos que son comúns a todas as linguas.

Fonte: News Medical

O grupo de apoio á lingua galesa Cymdeithas yr Iaith Gymraeg criticou a municipalidade de Cardiff polo seu escaso investimento en escolas de fala galesa na cidade. Segundo o grupo, necesitaríanse 10 novos centros para poder acadar o obxectivo do millón de falantes para 2025.

Fonte: Wales Online

Unha entidade a prol da lingua galesa anima a todos os cidadáns galeses a comezaren todas as interaccións orais en galés co fin de promover esta lingua nas conversas do día a día.

Fonte: Daily Post

Un programa do Goberno de Australia aposta pola introdución das linguas comunitarias como o grego moderno no currículo das escolas infantís.

Fonte: Neos Cosmos

O ministro de Asuntos Exteriores de Italia, Angelino Alfano, inaugurou a XVII edición da Semana da Lingua Italiana no Mundo. O tema deste ano é a presenza do italiano no cinema.

Fonte: Italia chiama Italia

Segundo indicou o Ministerio de Educación do estado indio de Karnataka, a partir do próximo ano académico todos os centros educativos deberán adoptar o canarés como primeira ou segunda lingua.

Fonte: The News Minute

O ministro de Finanzas da República de Irlanda anunciou que para o ano 2018 haberá un incremento de 2,5 millóns de euros para promover a lingua gaélica.

Fonte: Language Magazine

O ministro da Lingua Galesa, Alun Davies, declarou que o Goberno de Gales ten a intención de estimular economicamente as zonas onde hai máis falantes de galés para evitar que os máis novos emigren pola falta de oportunidades.

Fonte: BBC