Mundo
O estado de Utah é o segundo dos EUA que rexistra un maior aumento de falantes de linguas diferentes ao inglés
Un informe publicado polo Centro de Estudos Migratorios revelou que o estado de Utah é o segundo dos EUA que rexistra un maior crecemento de falantes de linguas diferentes ao inglés no seo familiar.
Fonte: The Salt Lake Tribune
A compañía ferroviaria británica Great Western non incluirá o galés nos anuncios dos seus novos trens
A compañía ferroviaria británica Great Western anunciou que non está entre os seus plans incluír mensaxes nin anuncios en galés na súa nova frota de trens.
Fonte: Wales Online
Bélxica creará un tribunal de comercio en lingua inglesa para lidar con casos que teñan que ver co Brexit
Bélxica constituirá un tribunal de comercio en lingua inglesa para lidar con disputas entre empresas internacionais por mor do Brexit.
Fonte: Reuters
A televisión pública italiana quere crear unha canle integramente en lingua inglesa
A televisión pública italiana (RAI) está negociando co Ministerio de Desenvolvemento Económico a creación dunha canle de televisión integramente en inglés.
Fonte: Advanced Television
As escolas bilingües bretón-francés cumpren 40 anos
As escolas Diwan de ensino bilingüe bretón-francés cumpren 40 anos na Bretaña francesa. A pesar do seu importante labor de promoción da lingua bretoa, o futuro deste idioma celta segue estando ameazado.
Fonte: Libération
O ministro de Cultura de Cabo Verde defende que o crioulo se converta en lingua oficial do país africano
O ministro de Cultura de Cabo Verde, Abraão Vicente, defendeu nunha entrevista celebrada con motivo do VII Encontro de Escritores de Lingua Portuguesa a declaración do crioulo como lingua oficial do país africano.
Fonte: Diário de Notícias
A constitución de Moldavia recoñece o romanés como lingua oficial do país
O Tribunal Constitucional de Moldavia aprobou o cambio de denominación da lingua oficial do país. A partir de agora, a constitución establece que o que antes se chamaba moldavo pasa agora a denominarse romanés.
Fonte: Balkan Insight
A Academia Francesa rexeita unha norma que faría do francés unha lingua máis inclusiva
A máis alta autoridade da lingua francesa en Francia, a Academia Francesa, rexeitou as propostas de converter o francés nunha lingua máis inclusiva desde o punto de vista do xénero. Segundo a institución, os cambios significarían un "ataque mortal" para a lingua.
Fonte: France 24
Unha profesora dunha lingua indíxena do estado de Rondonia gaña o premio á mellor educadora do ano no Brasil
A profesora Elisângela Dell-Armelina Suruí recibiu a distinción de mellor educadora do ano no Brasil polo seu labor docente e os seus proxectos de alfabetización dos indios da tribo nabekodabadakiba na súa lingua materna, o paiter suruí.
Fonte: Veja
O ensino do portugués colle forza en Venezuela
Cada vez máis venezolanos deciden aprender a lingua de Camões en Venezuela. O ensino do portugués aumentou un 70% e xa existen 5000 persoas a estudalo en todo o país.
Fonte: RTP Notícias
Boletín
Subscríbase ao boletín
