Mundo
O Goberno da India adía a data pola que se fai obrigatorio o uso das linguas locais nos dispositivos móbiles
O Goberno da India volve adiar a data pola que se obriga os fabricantes a empregar linguas locais indias nos dispositivos móbiles. A razón deste cambio radica na dificultade de crear teclados nalgúns idiomas.
Fonte: Money Control
Google India dará máis apoio ao uso da lingua bengalí
Google India acaba de anunciar que permitirá a publicación de anuncios publicitarios en lingua bengalí co obxectivo de alcanzar un público máis amplo.
Fonte: First Post
Portugal recoñecerá as competencias dos profesores de mirandés
Un protocolo entre o municipio de Miranda do Douro, o Ministerio de Educación de Portugal e a Facultade de Letras da Universidade de Coímbra ten entre os seus obxectivos o recoñecemento da experiencia e competencias dos profesores de mirandés que levan ensinando esta lingua desde 1985.
Fonte: Renascença
O escritor británico Kazuo Ishiguro gaña o Premio Nobel de Literatura
A Academia Sueca outórgalle o Premio Nobel de Literatura de 2017 ao escritor británico, de familia xaponesa, Kazuo Ishiguro.
Fonte: The Guardian
O Tribunal de Luxemburgo absolve un cidadán que incitara ao odio por un comentario contra o ensino do portugués
O Tribunal de Xustiza de Luxemburgo absolveu un cidadán luxemburgués que estaba acusado por incitar ao odio contra portugueses por publicar un comentario contra o ensino do portugués no país.
Fonte: RTP Notícias
Google presenta uns auriculares que poden traducir un total de 40 linguas
A multinacional Google presentou uns auriculares que permiten manter unha conversa en tempo real con alguén que fala unha lingua diferente. En total, o novo dispositivo pode traducir ata 40 linguas.
Fonte: UOL
Publican un libro que defende unha teoría innovadora sobre a orixe da linguaxe
Un investigador da Universidade Bentley de Massachusetts (EUA) publicou o libro How language began que defende que a linguaxe comezou en tempos do homo erectus, algo que resulta revolucionario xa que contradí a teoría dominante que afirma que se desenvolveu co homo sapiens.
Fonte: The Economist
Un estudo revela que a aprendizaxe das linguas pode influír na maneira de analizar as cores
Un investigador da Universidade Birbeck de Londres publicou un libro no que afirma que as linguas que falamos ou aprendemos poden influír o xeito de vermos e analizarmos as cores.
Fonte: Business Insider
As linguas estranxeiras pasarán a ofertarse como optativas na India
O Ministerio de Educación da India anunciou que, a partir do próximo ano académico, idiomas estranxeiros como o alemán ou o francés pasarán a ofertarse de xeito optativo como cuartas ou quintas linguas.
Fonte: India Today
Un acordo levará a lingua guaraní á televisión dixital arxentina
Un acordo asinado entre o Ministro do Sistema Federal de Medios e Contidos Públicos de Arxentina e o titular da Secretaría de Información e Comunicación da Presidencia da República de Paraguai permitirá promover o uso do idioma guaraní por medio da retransmisión de contidos nesta lingua en varias plataformas dixitais arxentinas.
Boletín
Subscríbase ao boletín
