O concurso mundial de tradución chinés-portugués é unha iniciativa que pretende impulsar o intercambio de técnicas de tradución das dúas linguas entre estudantes de ensino superior.

Fonte: Observatório da Língua Portuguesa

En Francia, existe unha centena de variedades de linguas rexionais de procedencia románica e xermánica, que agora aparecen recollidas nun mapa interactivo realizado por un equipo de investigación.

Fonte: France Info

Un programa da BBC que lles preguntaba aos espectadores se o galés era un problema para o País de Gales levanta polémica entre os falantes e defensores da lingua galesa.

Fonte: Daily Post

A creación dunha Comisión da Lingua Galesa será unha das novas medidas que introducirá o Goberno do País de Gales para acadar o reto do millón de falantes para 2050.

Fonte: Wrexham

A Oficina de Estatística do Canadá revela que diminuíu a proporción de falantes de inglés en Quebec entre 2011 e 2016.

Fonte: Montreal Gazette

Os últimos datos estatísticos publicados no Canadá revelan un claro descenso da poboación francófona na provincia de Manitoba.

Fonte: News Winnipeg

O festival Azores Burning Summer, na illa de San Miguel (Azores), apostará polo ecoloxismo e a calidade musical e ofrecerá un concerto traducido á lingua de signos.

Fonte: Açoriano Oriental

A Universidade de Anveres (Bélxica) está a desenvolver un proxecto de man robótica que é capaz de usar a lingua de signos. A idea será empregar este instrumento en lugares onde non haxa intérpretes desta lingua.

Fonte: Notícias ao Minuto

O alumnado do último ano do ensino secundario no Reino Unido (A-levels) obtivo, en comparación con outros anos, mellores resultados académicos en linguas modernas a pesar das críticas que defendían que os exames eran difíciles para o alumnado non nativo.

Fonte: The Telegraph

A Secretaría de Políticas Lingüísticas de Paraguai organiza unha semana de actividades dedicadas á promoción e revalorización do uso do guaraní en todos os ámbitos sociais.

Fonte: La Vanguardia