Mundo
O Partido Socialista portugués quere introducir o ensino doutra lingua estranxeira no ensino primario
O candidato socialista de Coímbra nas eleccións municipais, Manuel Machado, declarou que defende a introdución dunha segunda lingua estranxeira no primeiro ciclo do ensino primario.
Fonte: Diário de Notícias
Un estudo académico defende que o Brexit podería dar lugar a unha nova variedade da lingua inglesa
Un novo estudo académico da Universidade de Gävle, en Suecia, defende que o Brexit podería acelerar o desenvolvemento dunha nova variedade do inglés no caso de que este siga sendo a lingua franca da Unión Europea.
Fonte: Independent
O Instituto Camões e o grupo Santander Totta asinan un acordo para a promoción da lingua portuguesa
O Instituto Camões e o banco Santander Totta asinaron un protocolo de colaboración para promover bolsas de estudo en lingua portuguesa.
Fonte: dnoticias
António Costa defende o portugués como lingua oficial da ONU
No seu discurso da Asemblea Xeral da Organización das Nacións Unidas, o primeiro ministro portugués António Costa defendeu a importancia do portugués como lingua internacional e a necesidade de que se converta nun dos idiomas oficiais da institución.
Fonte: O Povo
O presidente de Romanía cancela unha visita oficial a Ucraína en protesta pola nova lexislación en materia de linguas
O presidente de Romanía, Klaus Iohannis, cancelou a súa visita oficial a Ucraína en protesta pola lei recentemente aprobada no Parlamento ucraíno que limitará o acceso á educación nas linguas nativas ás minorías presentes no país eslavo.
O Goberno da República de Irlanda aproba un programa para promover o gaélico nas "gaeltacht"
O Goberno da República de Irlanda aprobou o primeiro de tres programas para promover a lingua gaélica nas zonas onde é o idioma predominante ou maioritario, as chamadas "gaeltacht". A medida permitirá que estas zonas poidan mellorar a súa economía sen descoidar a protección da lingua vernácula.
Fonte: Independent
O estado de Massachusetts reintroducirá a educación bilingüe nas escolas
O estado de Massachusetts (EUA) acaba de aprobar unha lei que permitirá ás escolas do estado retomar se o desexan a posibilidade de ofrecer clases en linguas nativas, algo que non estaba permitido desde hai 15 anos.
Fonte: Language Magazine
O ministro de Asuntos Exteriores de Portugal defende na ONU a importancia do portugués como lingua global
Nunha entrevista para ONU News, o ministro de Asuntos Exteriores de Portugal, Augusto Santos Silva, defendeu en Nova York que o portugués é unha lingua global e confía en que se converta en breve en idioma oficial das Nacións Unidas.
Fonte: O Povo
O presidente de Ucraína asina a nova lei que prohibe no ensino a oferta de materias en linguas minorizadas
O presidente de Ucraína, Petro Poroschenko, transformou en lei a norma que converte o ucraíno na única lingua de instrución do sistema educativo.
Europa conmemora o Día Europeo das Linguas
Como cada ano, a Comisión Europea celebra a diversidade lingüística da Unión Europea no Día Europeo das Linguas.
Fonte: European Commission
Boletín
Subscríbase ao boletín
