Altos cargos do exército defenderon no Reino Unido o uso dunha linguaxe máis inclusiva nas forzas armadas.

Fonte: The Telegraph

De acordo co xornal Svenska Dagbladet. o número de centros de ensino que imparten as súas clases en inglés aumentou en Suecia nos últimos anos.

Fonte: The Local

O líder da principal Primeira Nación de Nova Escocia, Leroy Denny, manifestouse a favor de demandar ao Goberno da provincia que a lingua micmac poida ser declarada oficial.

Fonte: CBC News

O municipio de Tallin, capital de Estonia, anunciou que comezará os trámites para adquirir novos programas en lingua rusa que se emitirán na canle Pervõi Baltiiski Kanal (PBK).

Fonte: ERR

O español está practicamente ausente das canles de comunicación na rede do deporte internacional, malia ser unha das linguas máis faladas do mundo. Proba disto é a súa ausencia da maioría de federacións internacionais de deportes olímpicos ou do portal web do COI.

Fonte: La Vanguardia

Os subtítulos das series e as películas de Netflix poden axudar a aprender ou practicar unha lingua, unha tarefa que resulta máis sinxela coa ferramenta SUFLI que traduce estes subtítulos de maneira completa.

Fonte: TekCrispy

Unha estudante da Facultade de Filosofía da Universidade Autónoma de Querétaro, coordinou a elaboración dun manual que documenta as linguas indíxenas de México en risco de desaparición. Nel recóllense 364 variantes lingüísticas, conformadas en 68 agrupacións e 11 familias, e analízanse cales son as súas principais ameazas.

Fonte: Querétaro 24-7

Grazas a este programa, denominado "Linguas e dialectos vivos", estudantes de orixe bosníaca e albanesa que viven en Turquía, aprenden a lingua dos seus antepasados.

Fonte: TRT

Cada vez é máis común que se impartan en inglés as clases nas escolas de negocios en Francia, principalmente co obxectivo de atraer estudantes estranxeiros e reforzar a súa imaxe internacional.

Fonte: Le Monde

Segundo un estudo, mentres que en Montreal o 21 % da poboación fala, polo menos, tres linguas, en Toronto e en Vancuver esta porcentaxe descende ata o 11 e o 10 % respectivamente. Esta cifra de trilingües débese a unha maior presenza do francés en Montreal e tamén ao alto nivel de inmigración.

Fonte: RCI