Mundo
O presidente de Casaquistán salienta a importancia do coñecemento da lingua rusa
O presidente de Casaquistán, Nursultan Nazarbayev, declarou nun discurso oficial que aprender ruso continúa sendo importante para a república centroasiática.
Fonte: TASS
Só 50 persoas falan a lingua crioula de Macau
O número de falantes nativos do crioulo de Macau ou "patuá macaense" non deixa de diminuír. Actualmente, apenas 50 persoas falan esta lingua que naceu da mestura do portugués, o cantonés e o malaio.
Fonte: The Guardian
Alxeria emite o seu primeiro comunicado oficial en lingua bérber
O ministro do Interior de Alxeria emitiu o seu primeiro comunicado oficial en lingua bérber con motivo do Novo Ano Tamazight que foi declarado festa nacional en todo o país norteafricano.
Fonte: Middle East Monitor
O Parlamento de Macedonia aproba a lei que garante o uso do albanés en todo o país
O Parlamento da República de Macedonia aprobou por maioría dobre a lei que estende e garante o uso da lingua albanesa, falada por un cuarto da poboación, a todo o país.
Fonte: Fox News
Os docentes de lingua de signos en Portugal queren equiparar os seus dereitos ao resto de profesorado
Os docentes de lingua de signos portuguesa non teñen os mesmos dereitos que o resto de profesores do ensino público e esixen agora que deixen de ser contratados como técnicos especialistas.
Fonte: Esquerda
A canle da RTP en África está entre as primeiras emisoras nos países africanos de expresión portuguesa
O ministro de Cultura de Portugal declarou que a canle da Radio Televisión Portuguesa de África se converteu na segunda máis vista nos países africanos de expresión portuguesa.
Fonte: Sapo 24
Un estudo recomenda que o inglés se converta en lingua oficial na cidade de Helsinqui
Unha consultora que traballa a prol do desenvolvemento rexional publicou un estudo que recomenda que o inglés se converta en lingua oficial dos intercambios comerciais na cidade de Helsinqui xa que é actualmente a lingua franca en moitos establecementos do centro da capital.
Fonte: Helsinki Times
A ministra de Educación de Nova Zelandia quere que os escolares de primaria aprendan unha segunda lingua
A ministra de Educación de Nova Zelandia, Nikki Kaye, declarou que o goberno publicará unha lei que fomentará a aprendizaxe dunha segunda lingua no ensino primario e no primeiro ciclo da educación secundaria.
Fonte: NZ Herald
Increméntase o interese dos suecos pola aprendizaxe da lingua árabe
A medida que a poboación sueca se fai máis diversa coa chegada de refuxiados e emigrantes, o interese dos seus cidadáns pola aprendizaxe da lingua árabe segue medrando, tal como o demostra o crecente número de cursos para aprendela que existen en centros de ensino de todo o país escandinavo.
Fonte: Daily Sabah
As Nacións Unidas fan un chamamento para protexer a lingua asubiada de Turquía
A UNESCO considera que é imprescindible tomar medidas para protexer a lingua asubiada que se fala no norte de Turquía xa que podería desaparecer pola irrupción das novas tecnoloxías.
Fonte: Voa News
Boletín
Subscríbase ao boletín
