O partido político New Zealand First quere aprobar unha lei que recoñeza o inglés como lingua oficial de Nova Zelandia ao igual que o maorí.

Fonte: Newshub

O académico e poeta congolés Alain Mabanckou criticou con dureza o proxecto do presidente francés Emmanuel Macron de converter o francés en lingua de comunicación internacional. Segundo o autor, a iniciativa necesita unha profunda revisión porque pode ser un instrumento de imperialismo francés sobre as súas antigas colonias.

Fonte: The Guardian

A corporación británica BBC lanzou servizos de noticias en liña en dúas linguas de Nixeria, o igbo e o iorubá.

Fonte: The Citizen

Responsables do Instituto Camões de Portugal e do Goberno do cantón de Friburgo, en Suíza, están estudando a posibilidade de que o portugués poida ser lingua curricular no sistema educativo.

Fonte: Sapo 24

Unha enquisa elaborada na República de Irlanda revelou que a maior parte dos irlandeses apoia que Irlanda do Norte aprobe unha lei que protexa e promova o gaélico.

Fonte: The Irish Post

Hai oitenta anos, os cidadáns suízos votaron a favor da oficialización do idioma romanche, falado no Cantón dos Grisóns. Con motivo deste acontecemento, a asociación que loita pola súa protección, pídelle axuda ao goberno xa que aínda corre risco de desaparecer.

Fonte: Swissinfo

Unha investigación elaborada por científicos do Instituto de Tecnoloxía de Massachusetts revelou que existe unha relación estreita entre algunhas pinturas rupestres e a orixe das nosas destrezas lingüísticas.

Fonte: PHYS

Un artigo publicado na revista científica Psychological Science revela que o intercambio de conversas coas nenas e nenos potencia as súas habilidades de expresión lingüística.

Fonte: Scientific America

A proposta parlamentaria do Partido Comunista de Portugal de desvincularse do Acordo Ortográfico foi rexeitada pola Asemblea da República con votos en contra de case todas as forzas políticas.

Fonte: Público

A Casa de Representantes de Michigan (EUA) aprobou unha lei para declarar o inglés lingua oficial de todo o estado.

Fonte: The Washington Times