Mundo
O Goberno portugués valora a ratificación da Carta Europea das Linguas Minoritarias
O Secretario de Estado da Educación de Portugal, João Costa, informou en Miranda do Douro de que o Goberno portugués está a valorar a ratificación da Carta Europea das Linguas Rexionais ou Minoritarias.
Fonte: Diário de Notícias
Organizacións sociais de China emprenden accións para salvar linguas minorizadas
O Goberno de China e organizacións sociais están avaliando aplicar diferentes medidas para poder preservar as 130 linguas minorizadas que se falan no xigante asiático.
Fonte: Prensa Latina
O telugú é a terceira lingua india máis falada nos EUA
O último censo revelou por primeira vez que o telugú é, con 3,2 millóns de falantes, a terceira lingua da India que máis se fala nos EUA.
Fonte: The News Minute
O Goberno de Gales publica un informe sobre a súa estratexia para acadar o millón de falantes de galés
O Goberno do País de Gales publicou un informe que aborda con detalle a estratexia de acadar un millón de falantes de galés antes de 2050. Entre as prioridades está incrementar o número de profesorado de primaria capaz de ensinar na lingua vernácula.
Fonte: The Guardian
O Goberno de Portugal reafírmase na expansión internacional da lingua portuguesa
A secretaria de Estado de Asuntos Exteriores de Portugal, Teresa Ribeiro, declarou con motivo dun encontro de investidores en Viana do Castelo que a lingua portuguesa goza de boa saúde e reiterou a aposta do executivo portugués pola súa expansión internacional.
Fonte: Diário de Notícias
Defensores do árabe maniféstanse en Marrocos en contra da lingua francesa
Con motivo da Semana do Idioma Árabe a nivel mundial, a Coalición Nacional marroquí para a lingua árabe criticou a importante presenza do francés na vida institucional do país africano o que, segundo a organización, supón un obstáculo para o desenvolvemento e normalización do árabe como lingua de uso.
Fonte: El Diario Vasco
Alxeria sae á rúa para reivindicar a promoción da lingua bérber
Milleiros de persoas achegáronse ás mobilizacións celebradas na rexión alxerina da Cabilia para protestar pola negativa do Goberno de Alxeria de financiar a ensino nesta lingua.
Fonte: Europapress
O Instituto Camões e seis universidades desenvolven un programa para potenciar o ensino do portugués
Seis universidades, catro portuguesas e dúas estranxeiras, asinaron un acordo co Instituto Camões para desenvolver un proxecto que promova e fortaleza o ensino do portugués como lingua estranxeira e lingua de herdanza.
Fonte: Público
A UNESCO defende o árabe como un instrumento para a igualdade e a dignidade con motivo do seu día mundial
A directora xeral da UNESCO, Audrey Azoulay, defendeu no Día Mundial do Árabe que esta lingua é "un instrumento para a dignidade e a igualdade así como para a emancipación e a equidade entre mulleres e homes".
Fonte: Nações Unidas
Unha organización dotará de alfabeto dixital á lingua do pobo rohingya
A organización sen ánimo de lucro Consorcio Unicode dotará á lingua do pobo rohingya, orixinario de Myanmar, un alfabeto para poder empregala no ámbito dixital.
Fonte: The Guardian
Boletín
Subscríbase ao boletín
