Mundo
Un informe do Consello de Europa valora positivamente o esforzo de Chipre na aplicación da Carta Europea das Linguas
Un informe publicado polo Comité de Expertos do Consello de Europa valora positivamente os esforzos feitos por Chipre na aplicación da Carta Europea das Linguas Rexionais e Minoritarias. Porén, o país mediterráneo aínda debe seguir traballando para garantir os dereitos lingüísticos das minorías armenia e árabe-chipriota.
Fonte: Council of Europe
O Instituto Camões quere promover o ensino do portugués no Senegal
O Instituto Camões abriu un novo centro de lingua portuguesa no sur do Senegal, nunha zona fronteiriza con Guinea-Bissau, co que pretende promover o ensino do portugués no país africano.
Fonte: RFI
As linguas indíxenas de Ecuador corren un grave perigo de desaparición
De acordo co director do Instituto de Idiomas, Ciencias e Saberes Ancestrais (IICSA) de Ecuador, as 14 linguas orixinarias que se falan neste país suramericano están en grave perigo de desaparición.
Duolingo actualiza a súa base de datos con novo material didáctico
A aplicación gratuíta para a aprendizaxe de linguas estranxeiras acaba de incluír novos materiais didácticos que permitirán que os usuarios e usuarias poidan desenvolver destrezas máis avanzadas desde niveis máis baixos.
Fonte: Fast Company
Un estudo mostra que a calidade dos intercambios comunicativos é o que máis contribúe a obter boas destrezas lingüísticas
Un estudo científico elaborado polas universidades estadounidenses de Harvard e Pensilvania revelou que a calidade e frecuencia dos intercambios comunicativos é o que máis inflúe á hora de desenvolver nas persoas de pouca idade boas destrezas de expresión oral.
Fonte: Quartz
Un estudo revela que as persoas bilingües poden inhibir o primeiro idioma cando desenvolvan tarefas no segundo
Un estudo da Universidade de California en Riverside revela que as persoas que falan dúas linguas poden inhibir e regular os seus impulsos no seu primeiro idioma cando se enfrontan a tarefas no segundo.
Fonte: Science Daily
Demandan maior uso do gaélico no Condado de Cork
O concelleiro independente Diarmaid Ó Cadhla, do Condado irlandés de Cork, presentou unha proposta para incrementar o uso do gaélico na cámara municipal.
Fonte: Evening Echo
Retiran sinais en lingua kurda das rúas da cidade turca de Diyarbakır
A axencia de noticias Mezopotamya informou de que a administración local da cidade turca de Diyarbakır retirou os sinais informativos bilingües kurdo-turco das rúas da localidade.
Fonte: Ahval News
A cidade de Dublín podería ter un centro para a promoción e a aprendizaxe do gaélico irlandés
De acordo coa nova partida orzamentaria anunciada polo Goberno da República de Irlanda, a cidade de Dublín podería ter un centro especializado na promoción e aprendizaxe da linga gaélica.
Fonte: The Journal
Adiántase o ensino da primeira lingua estranxeira ao primeiro ano de primaria en Finlandia
Desde a primavera de 2020, Finlandia comezará a ofertar o ensino da primeira lingua estranxeira no primeiro ano de primaria.
Fonte: Helsinki Times
Boletín
Subscríbase ao boletín
