A asociación neerlandesa Beter Onderwijs Nederland (BON) quere presentar unha demanda a varias institucións públicas de ensino pola crecente impartición de cursos en inglés nos Países Baixos.

Fonte: NL Times

Un estudo realizado na Universidade de Washington (EUA) revelou que as habilidades de natureza lingüística como a sintaxe e o vocabulario poden axudar a obter un bo rendemento académico no resto de materias do currículo.

Fonte: Futurity

A décimo primeira edición da Conferencia da Lingua Chinesa nos EUA, celebrada na cidade de Salt Lake City, chegou á súa fin cunha conclusión clara: o interese por aprender o chinés entre os estadounidenses é cada vez maior e vese obstaculizado pola escaseza de profesionais que poidan ensinalo.

Fonte: Xinhua

O Goberno de China condenou o activista tibetano Tashi Wangchuk a cinco anos de cadea por promover pacificamente o uso da lingua tibetana.

Fonte: Human Rights Watch

Oficiais do Ministerio de Xustiza da República de Irlanda declararon que se está considerando a introdución dunha proba de lingua para todas aquelas persoas que queiran obter a nacionalidade irlandesa.

Fonte: Irish Examiner

O Concello de Lisboa debaterá unha proposta do Partido Comunista para organizar un festival internacional dedicado á lingua e á literatura portuguesas.

Fonte: Sapo 24

O escritor caboverdiano Germano Almeida recibiu o máis prestixioso premio literario en lingua portuguesa, o Premio Camões.

Fonte: Maisfutebol

Un total de 3 escolas da cidade do Río de Xaneiro incorporou clases de alemán no marco dun proxecto que tenta promover a educación bilingüe portugués-alemán no ámbito local.

Fonte: Terra

O presidente de Francia, Emmanuel Macron, declarou que apoiará a candidatura da ministra de Asuntos Exteriores de Ruanda, Louise Mushikiwabo, para a presidencia da Organización Internacional da Francofonía.

Fonte: France 24

De acordo con datos da asociación de escolas e centros de ensino de inglés en Irlanda (Marketing English in Ireland), no ano 2017, houbo un incremento do 8 % no número de estudantes internacionais que deciden estudar esta lingua no país celta.

Fonte: Irish Tech News