Tecido económico
Os Encontros para a Normalización Lingüística deste ano porán o foco no ámbito socioeconómico
Nesta 25.ª edición porase o foco no ámbito socioeconómico, con debates sobre o uso do galego no eido empresarial como sinal de calidade, proximidade e sustentabilidade, ou os dereitos dos usuarios/as e os consumidores/as.
Fonte: Consello da Cultura Galega
A Xunta apoia 85 proxectos para editar materiais didácticos curriculares en lingua galega
A Xunta destina 200 000 euros á edición en lingua galega de recursos didácticos curriculares para niveis non universitarios este 2023. Así o recolle o Diario Oficial de Galicia, que acaba de publicar a resolución pola que se conceden estas subvencións aos 85 proxectos editoriais seleccionados.
Fonte: O Portal da Lingua Galega
O alumnado do IES Rafael Dieste da Coruña impulsa unha campaña para promover o uso do galego na cidade
O alumnado de 4º da ESO deste centro puxo en marca a campaña "Aquí tamén se fala galego" dirixida aos comercios da cidade coa que pretende demostrar que na Coruña si se fala esta lingua.
Fonte: Quincemil
A Xunta e Vegalsa-Eroski celebran as Letras Galegas cunha campaña que homenaxea a Francisco Fernández del Riego
A Xunta de Galicia, a través da Consellería de Cultura, Educación, FP e Universidades, e a distribuidora alimentaria Vegalsa-Eroski botan a andar un ano máis a campaña Letras Galegas para festexar o 17 de maio e homenaxear a Francisco Fernández del Riego cunha tirada especial de bolsas e carteis que chegarán a 215 establecementos da rede Eroski e Autoservicios Familia.
Fonte: O Portal da Lingua Galega
A Xunta e Gadis asinan un convenio para promover a lingua galega entre a mocidade a través das plataformas dixitais
A Xunta de Galicia e Supermercados Gadis veñen de ratificar un acordo de colaboración para promover o uso da lingua galega entre a mocidade nas plataformas dixitais. O convenio, que se desenvolverá a través da Secretaría Xeral de Política Lingüística, foi asinado polo conselleiro de Cultura, Educación, FP e Universidades, Román Rodríguez, e a directora de Márketing e Responsabilidade Social Corporativa de Gadisa Retail, Melisa Pagliaro.
Fonte: O Portal da Lingua Galega
Expertos do Foro Económico advirten da necesidade de incorporar o galego á intelixencia artificial
O IV Foro Tecnolóxico, organizado polo Foro Económico de Galicia, reuniu en Santiago a máis de trinta expertos nos ámbitos da lingua e as tecnoloxías que defenderon a necesidade de incorporar o galego a todas as ordes da tecnoloxía, na sociedade e economía dixitais.
Fonte: Galicia Confidencial
Publícase a resolución das axudas á edición de publicacións periódicas en lingua galega
A Secretaría Xeral de Medios publicou no DOG a resolución da convocatoria de axudas dirixidas a empresas que realicen publicacións periódicas escritas integramente en galego.
Fonte: Consello da Cultura Galega
Entréganse en Santiago os Premios Manuel Beiras que poñen en valor as empresas que empregan o galego na súa comunicación
O Teatro Principal acolleu a gala de entrega dos Premios Manuel Beiras que convoca o Concello de Santiago e a Cámara de Comercio que celebraron a súa XXIII edición baixo o lema «Prende o galego. Brilla con luz propia» na que resultaron galardoadas as empresas Kómic Librería, Abeluria e Orixe.
We Robots Academy e SOMA Centro de Terapia Integral gañan a quinta edición do Premio Lingua e Empresa
O auditorio da Casa da Cultura do Milladoiro acolleu a gala de entrega da quinta edición dos premios Lingua e Empresa que convoca o Concello de Ames para fomentar o uso do galego no ámbito empresarial.
Fonte: Concello de Ames
O xornalista Alberto Ramos recibe o XVI Premio Narrativa Breve Repsol co que colabora a Xunta
O secretario xeral de Política Lingüística, Valentín García, participou no acto de entrega da XVI edición do Premio Narrativa Breve Repsol ao xornalista e escritor Alberto Ramos pola súa obra Os corpos dos Romanov.
Fonte: O Portal da Lingua Galega
Boletín
Subscríbase ao boletín
