Tecido económico
A Xunta colabora cunha vintena de editoriais para a tradución de 83 obras
A Consellería de Cultura, Lingua e Xuventude acaba de conceder axudas a 20 editoriais para a tradución de 83 obras, tal e como se publica no Diario Oficial de Galicia (DOG). En total, a orde de axudas destinaba 200 000 euros a esta convocatoria co obxecto de favorecer que as obras galegas se editen noutras linguas ao tempo que se fomenta a tradución.
Fonte: O Portal da Lingua Galega
A Xunta de Galicia e Feiraco lanzan a XII edición do Certame de Microrrelatos para conmemorar as letras galegas entre a toda a sociedade
A Xunta de Galicia, a través da Consellería de Cultura, Lingua e Xuventude, e a empresa galega láctea Feiraco, integrada na Cooperativa Rural Galega CLUN, botan a andar a XII edición do Certame de Microrrelatos para celebrar o Día das Letras Galegas entre toda a sociedade incentivando o pensamento creativo e a lectura en lingua galega.
Fonte: O Portal da Lingua Galega
Feiraco organiza un certame de microrrelatos para fomentar a creatividade literaria en galego
Feiraco súmase á celebración do Día das Letras Galegas coa convocatoria da 12.ª edición do Certame de Microrrelatos Feiraco que ten como obxectivo fomentar a dinamización do galego e a creatividade literaria nesta lingua. Os relatos deberán ter 500 palabras como máximo, de temática libre, pero deben comezar coa frase “Púxenme a escoitar”.
Fonte: Consello da Cultura Galega
A Universidade de Santiago traballa na tradución ao galego de varias normas UNE
Dende hai uns meses o Servizo de Normalización Lingüística está a traballar na versión en galego dalgunhas normas UNE do ámbito da óptica oftálmica nas que ten máis presenza a terminoloxía técnica.
Preséntase Medra.gal, unha ferramenta en liña en galego para acompañar as persoas emprendedoras no lanzamento dos seus negocios
Medra.gal é unha nova plataforma en galego para avanzar na transformación dixital a través dunha páxina web con formación en emprendemento, márketing e negocios dixitais dirixida a persoas que queiran lanzar, consolidar ou facer medrar un negocio en internet.
Fonte: Código Cero
A Deputación de Valencia convoca subvencións para concellos que premien o uso do valenciano no comercio
Os concellos da provincia de Valencia que presenten a súa solicitude á campaña «Som de barri, de ciutat, de botiga i de mercat» poderán recibir axudas para organizar premios ao uso do valenciano no comercio local.
Fonte: Diputació de València
Publícanse as conclusións dos XXV Encontros para a Normalización Lingüística nas que se destaca a rendibilidade do galego para o sector económico
Xa está dispoñible para a súa descarga o documento coas conclusións dos XXV Encontros para a Normalización Lingüística no sitio web do Consello da Cultura Galega.
Fonte: Consello da Cultura Galega
Román Rodríguez enxalza o gran momento da industria cultural galega e a súa capacidade de adaptación aos novos formatos e hábitos de consumo
O conselleiro de Cultura, Educación, FP e Universidades, Román Rodríguez, inaugurou a 16ª edición de Culturgal, a Feira das Culturas Galegas que se celebra no Pazo da Cultura de Pontevedra coa ollada posta na captación de públicos e no avance dos fitos culturais que protagonizarán o 2024 na nosa Comunidade.
Fonte: O Portal da Lingua Galega
Preséntase unha nova edición dos Premios Manuel Beiras baixo o lema «En galego, naturalmente»
A XXIV edición dos Premios Manuel Beiras, que convoca o Concello de Santiago e a Cámara de Comercio, ten como lema «En galego, naturalmente», un slogan cuxo obxectivo é poñer en valor o uso da lingua galega nos establecementos locais como unha maneira de conectar coa clientela e achegar naturalidade e proximidade.
O Concello de Ames entrega os premios Lingua e Empresa correspondentes á súa sexta edición
As empresas galardoadas foron Nós Televisión, na categoría de uso consolidado da lingua galega, e o establecemento hostaleiro O Transistor, na categoría de nova incorporación á lingua.
Fonte: Concello de Ames
Boletín
Subscríbase ao boletín