Tecido económico
Expertos do Foro Económico advirten da necesidade de incorporar o galego á intelixencia artificial
O IV Foro Tecnolóxico, organizado polo Foro Económico de Galicia, reuniu en Santiago a máis de trinta expertos nos ámbitos da lingua e as tecnoloxías que defenderon a necesidade de incorporar o galego a todas as ordes da tecnoloxía, na sociedade e economía dixitais.
Fonte: Galicia Confidencial
A Xunta convoca as axudas á edición de materiais didácticos en lingua galega para o ano 2023
O Diario Oficial de Galicia (DOG) publica as subvencións para a edición en lingua galega de recursos didácticos curriculares para niveis non universitarios. Trátase dunha liña de axudas destinada á edición de materiais en formato impreso ou dixital á que a Consellería de Cultura, Educación, FP e Universidades destina durante este ano 200 000 euros.
Fonte: O Portal da Lingua Galega
A Axencia Galega das Industrias Culturais convoca axudas para a impulsar a creación de obras audiovisuais en galego
Estas axudas están dirixidas a impulsar a creación de obras audiovisuais en galego a través do apoio á escrita de guións, á realización e posprodución de curtametraxes e á produción de longametraxes.
Fonte: Consello da Cultura Galega
Denuncian que Naturgy reduciu o horario de atención telefónica en lingua galega
A Confederación Intersindical Galega (CIG) denunciou que Energy reduciu o horario da liña de atención telefónica en galego, o que, segundo este sindicato, evidencia unha falta de compromiso coa sociedade galega.
Fonte: Nós Diario
O Concello de Carballo pon en marcha unha iniciativa de promoción do galego no sector hostaleiro
Esta iniciativa, coa que colabora a Asociación de Hostalería de Carballo, consistirá na repartición de gardamanteis con pasatempos da revista A Píllara durante a Semana Santa co obxectivo de que a clientela se entreteña facendo unha sopa de letras ou un anagrama en galego.
Fonte: Concello de Carballo
Convócase unha nova edición do premio ‘Ponteareas, lingua e empresa’ para impulsar o uso do galego na actividade económica
O Concello de Ponteareas convoca unha nova edición deste galardón que ten como obxectivo fomentar o emprego do galego na actividade económica da vila, así como nas relacións laborais, comerciais e empresariais, e recoñecer publicamente a contribución realizada por este sector ao incremento do seu uso.
Fonte: Concello de Ponteareas
Román Rodríguez abre vías de colaboración con Prime Video para o incremento do uso do galego na plataforma
O conselleiro de Cultura, Educación FP e Universidades, Román Rodríguez, reuniuse co xefe de Contidos de Prime Video España, Ricardo Cabornero, para abordar vías de colaboración conxunta dirixidas a aumentar a inclusión de producións audiovisuais en galego na plataforma.
Fonte: O Portal da Lingua Galega
O Concello de Outes organiza unha campaña para impulsar o uso do galego no comercio local
Ao abeiro desta campaña, que ten como lema «En Outes, en galego!», distribuiranse adhesivos, folletos explicativos, bolsas de tea e outros artigos co obxectivo de fomentar o uso da lingua galega e o consumo no comercio local.
Fonte: La Voz de Galicia
Publícase a resolución das axudas á edición de publicacións periódicas en lingua galega
A Secretaría Xeral de Medios publicou no DOG a resolución da convocatoria de axudas dirixidas a empresas que realicen publicacións periódicas escritas integramente en galego.
Fonte: Consello da Cultura Galega
Entréganse en Santiago os Premios Manuel Beiras que poñen en valor as empresas que empregan o galego na súa comunicación
O Teatro Principal acolleu a gala de entrega dos Premios Manuel Beiras que convoca o Concello de Santiago e a Cámara de Comercio que celebraron a súa XXIII edición baixo o lema «Prende o galego. Brilla con luz propia» na que resultaron galardoadas as empresas Kómic Librería, Abeluria e Orixe.
Boletín
Subscríbase ao boletín
