Aragón
O Goberno de Aragón destinará 30 000 euros a actividades de promoción das linguas minoritarias
No marco do convenio de colaboración do Goberno de Aragón e a Universidade de Zaragoza, o Executivo destinará unha partida económica de 30 000 euros á Cátedra Johan Fernández d´Heredia, de linguas propias de Aragón e patrimonio inmaterial aragonés.
Fonte: Heraldo
Preséntanse os resultados de dous estudos sobre o futuro do aragonés
Especialistas da Universidade de Zaragoza presentaron dúas investigacións sobre o futuro do aragonés: unha dedicada á mocidade altoaragonesa e a lingua materna, e outra sobre os distintos actores implicados na supervivencia deste idioma.
Fonte: AraInfo
Ponse en marcha unha campaña de repartición de máscaras para loitar contra o coronavirus e fomentar o aragonés oriental
Mediante esta campaña, coa que se pretende protexer contra o coronavirus e impulsar o chapurriau/aragonés oriental, xa se repartiron 200 máscaras por varias poboacións de Aragón.
Fonte: Radio Huesca
Convócase a cuarta edición dos premios Espiello Agora x l’aragonés
O Goberno de Aragón e a Comarca de Sobrarbe convocan a cuarta edición dos premios Espiello Agora x l’aragonés, un galardón que ten como obxectivo difundir o patrimonio lingüístico aragonés e fomentar a creación audiovisual nesta lingua.
Fonte: Diario del Alto Aragón
O Goberno de Aragón asina un convenio para a posta en marcha de medidas a prol do aragonés e o catalán
O Goberno asina un convenio de colaboración co Sindicato Obreiro Aragonés para o impulso de medidas en favor das linguas propias da comunidade, é dicir, aragonés e catalán de Aragón.
Fonte: El Economista
A guía de recursos do Instituto Aragonés da Muller estará dispoñible en cinco idiomas e en braille
O Instituto Aragonés da Muller vai publicar unha guía de recursos en cinco idiomas (inglés, francés, búlgaro, romanés e árabe) e en braille co obxectivo de facilitar o acceso aos servizos deste organismo e chegar ao maior número posible de usuarias.
Fonte: 20minutos
Unha publicación recolle as palabras aragonesas que forman parte do Dicionario da lingua española
Diccionario de aragonesismos de la lengua española é unha publicación que ten como obxectivo dar a coñecer máis de 750 palabras ou usos lingüísticos aragoneses. Nela omítense as marcas xeográficas que constan no dicionario académico, pois todas as voces son aragonesas.
Fonte: La Región Internacional
Un folleto recolle máis de 200 topónimos en catalán de Aragón do municipio de Cretas
O Goberno de Aragón e a comarca do Matarraña, en colaboración co Concello de Cretas, editan un folleto con máis de 200 topónimos da localidade, nomes autóctonos en catalán de Aragón, co obxectivo de conservar e protexer un patrimonio lingüístico e cultural en risco de desaparecer.
Fonte: La Comarca
O Goberno de Aragón crea unha aplicación para difundir a riqueza lingüística do aragonés
O Goberno de Aragón busca facilitar o acceso a recursos dispoñibles na rede que contribúan á difusión do aragonés e a fomentar o seu uso, así como a dar a coñecer a súa riqueza. Por este motivo, puxo en marcha unha aplicación móbil, coa colaboración de asociacións, empresas, institucións e particulares, coa que poder acceder a todas as ferramentas tecnolóxicas relacionadas con esta lingua.
Fonte: La Vanguardia
O Goberno de Aragón asinará convenios de colaboración con varias organizacións para fomentar as linguas propias da comunidade
O Goberno de Aragón asinará oito convenios de colaboración con diferentes entidades para impulsar proxectos de fomento das linguas propias da comunidade, que se suman aos acordos xa existentes con entidades locais e asociacións.
Fonte: Diario del Alto Aragón
Boletín
Subscríbase ao boletín
