Aragón
O Mosteiro de Casbas de Huesca convértese na sede do Centro de Interpretación do Aragonés
O novo Centro de Interpretación do Aragonés «Ana Abarca de Bolea», que toma o nome dunha das súas abadesas que escribiu nesta lingua, ten como obxectivo divulgar e poñer en valor o aragonés e promover a súa aprendizaxe, así como sensibilizar e fomentar o compromiso cara a este idioma.
Fonte: Heraldo
As ferramentas dixitais para a difusión e o coñecemento do aragonés superan os 4,5 millóns de consultas
A web, que puxo en marcha a Dirección Xeral de Política Lingüística a finais de 2016, recibiu nestes anos máis de tres millóns de visitas e unha media diaria de 3500. Contén información sobre o aragonés e o catalán de Aragón, recursos didácticos, toponimia, documentación etc.
Fonte: AraInfo
Un folleto recompila máis de 200 topónimos do municipio de Yésero
A Dirección Xeral de Política Lingüística do Goberno de Aragón e a Comarca do Alto Gállego colaboraron co Concello de Yésero na creación dun folleto da toponimia deste municipio. Con este traballo dáse a coñecer como era e como é o uso da lingua aragonesa, consérvase o patrimonio inmaterial e establécese a forma oficial das denominacións que sempre se usaron para referirse ao territorio.
Fonte: Diario del Alto Aragón
Estréase na televisión autonómica de Aragón o primeiro 'late night' en aragonés
Aragón TV estrea A Escampar La Boira, o primeiro late night nas tres linguas que se falan nesta comunidade, que abordará temas de actualidade desde unha perspectiva dinámica, desenfadada e multilingüe.
Fonte: El Periódico de Aragón
Aragón propón crear a especialidade docente de lingua aragonesa
O Goberno aragonés sacou a información pública a Orde do Conselleiro de Educación, Cultura e Deporte pola que se establece a especialidade docente de lingua aragonesa para regular, a través dun proceso selectivo, a forma de acceder ao posto de profesor ou profesora de aragonés.
Fonte: Asturies.com
Preséntase o primeiro manual de fonoloxía aragonesa
O Diploma de Especialización en Filoloxía Aragonesa clausurou un curso no que se presentaron novos estudos, entre eles a primeira monografía sobre a fonoloxía do aragonés.
Fonte: Heraldo
Créase o primeiro centro de interpretación do aragonés
O Centro de Interpretación do aragonés “Ana Abarca de Bolea” é o primeiro espazo estable para a investigación, promoción e difusión desta lingua, onde se dará a coñecer a súa historia e como se fala en cada un dos lugares nos que se conserva.
Fonte: Diario del Alto Aragón
O Goberno de Aragón adapta á lingua aragonesa os contidos do portal de pictogramas de Arasaac
A páxina web de Arasaac, o Centro Aragonés para a Comunicación Aumentativa e Alternativa, contén máis de 12 500 pictogramas traducidos ou en proceso de tradución a 25 linguas, que, na actualidade, se está a traducir a oito máis
Fonte: Heraldo
O achado de 150 textos teatrais permite coñecer o aragonés do século XIX
O escritor Oscar Latas Alegre vén de publicar nun libro a súa investigación baseada no achado de 14 pastoradas, un xénero teatral desaparecido, no que recolle 150 textos orixinais datados entre 1814 e 1933 que permiten coñecer non só o aragonés decimonónico, senón tamén a súa castelanización e perda.
Fonte: El Diario
Todo o alumnado de grao do campus de Huesca poderá estudar aragonés
Ata agora impartíase xa no campus de Huesca un posgrao e unha especialidade de Maxisterio dedicados ao aragonés, pero a partir de marzo ofertarase para o resto de graos unha proposta académica complementaria, que permitirá ao alumnado engadir a aprendizaxe desta lingua ao seu plan de estudos.
Fonte: Heraldo
Boletín
Subscríbase ao boletín
