A obra, Arquimesa, que foi presentada no Instituto de Estudos Altoaragoneses de Huesca, recolle poemas escritos por 14 autoras de referencia en aragonés dende o século XVII ata a actualidade.

Fonte: Diario de Alto Aragón

Destinado tanto a centros educativos públicos como privados, o programa Jesús Moncada pretende achegar a oferta de actividades en catalán e as súas modalidades lingüísticas en Aragón ao alumnado, adaptándoa a todas as áreas curriculares. 

Fonte: Lenguas de Aragón

O curso comeza con maior número de docentes de aragonés en infantil e primaria. Porén, a posibilidade de que estes non teñan que acreditar o nivel mínimo de coñecemento para impartilo e o incumprimento do horario semanal que debería dedicarse á súa docencia nas escolas, diminúe a calidade da ensinanza.

Fonte: Sobrarbe Digital

A institución do Justicia de Aragón pide que se cumpra a lexislación vixente e que nos centros onde contan coa materia de aragonés se impartan os 90 minutos á semana que establece o currículo autonómico.

Fonte: El Diario

A última modificación dos plans de estudos de Maxisterio de Educación Infantil e Primaria inclúe a autorización da mención en lingua aragonesa para ambos os graos, que serán impartidos na Facultade de Educación de Huesca.  

Fonte: Lenguas de Aragón

Aragonario, o dicionario en liña para a tradución de castelán a aragonés, acaba de duplicar o número de entradas, que xa están próximas ás 18 000. Ademais, daralles cabida ás variedades dialectais, comezando polo benasqués, para, paulatinamente, ir incorporando outras.

Fonte: El Periódico de Aragón

A cidade de Zaragoza acolle a exposición "Aragonés Ilustrado" coa que a ilustradora Delia Tello busca homenaxear a lingua aragonesa e os idiomas en xeral como forma de comunicación e sinal de identidade.

Fonte: AraInfo

Ambas as obras, Lenguas minoritarias y estandarización e Lengua minorizada y enseñanza: el caso del aragonés, foron as encargadas de abrir a Feira do Libro da cidade de Huesca.

Fonte: Aragón Digital

Co obxectivo de fomentar o uso do aragonés e a creación literaria nesta lingua nas redes sociais Facebook e Twitter, convócase a quinta edición do certame de escritura de haikus no que se poderá participar ata o 15 de xuño.

Fonte: AraInfo

A iniciativa AragON, como parte do programa europeo Poctefa Linguatec e do programa Agora por l’aragonés, puxo en marcha un portal web que pon a disposición de interesados e interesadas ferramentas e recursos en liña sobre a lingua aragonesa. Aquí pódese atopar dende un dicionario até un tradutor en liña, así como información sobre probas de nivel e recursos educativos para docentes e alumnado.

Fonte: Aragón hoy