Cataluña
A Generalitat de Cataluña aproba un acordo para aumentar o emprego do catalán na xustiza
O departamento de Xustiza e o Consello da Avogacía Catalá asinaron un acordo para que os profesionais da quenda de oficio utilicen o catalán nos seus escritos.
Fonte: La Vanguardia
Convocan un premio para recoñecer a promoción da diversidade lingüística
A organización non gobernamental Linguapax convocou o Premio Internacional Linguapax 2017 para recoñecer o labor de académicos e membros da sociedade civil que traballen na promoción da diversidade lingüística.
Fonte: Generalitat de Catalunya
A Universidade de Barcelona publica unha guía para mellorar a atención ao público desde o punto de vista lingüístico
O díptico Una finestra cap al món, dirixido ao persoal que atende ao público internacional, pretende mellorar esta atención desde a perspectiva dos usos lingüísticos e ofrecer o catalán cando a persoa interlocutora ten coñecementos desta lingua.
Fonte: Generalitat de Catalunya
O Barómetro do uso do catalán en internet sinala que o 65 % dos webs analizados inclúe esta lingua
Os datos do Barómetro do uso do catalán en internet, realizado por WICCAC, sinalan que a porcentaxe de webs que están nesta lingua ou que a inclúen entre as súas opcións alcanzou o 65 % no mes de decembro de 2016.
Fonte: Generalitat de Catalunya
O Goberno de Cataluña pagaralles 14 euros aos avogados que presenten os seus escritos en catalán
Debido ao descenso do uso do catalán no ámbito xurídico, a Generalitat decidiu intentar reverter esta tendencia mediante unha iniciativa pola que se lles pagará 14 euros aos avogados de oficio por cada escrito que presenten nos xulgados nesta lingua.
Fonte: El País
O TC abordará conxuntamente seis recursos relativos ao catalán para dar unha resposta unitaria en materia lingüística
O Tribunal Constitucional decidiu tratar de maneira conxunta seis recursos presentados a catro normas que regulan dalgunha forma o uso do catalán. O obxectivo desta decisión é dar unha resposta unitaria aos aspectos comúns que se presentan neles.
Fonte: El Periódico
Unha nova guía presentaralle a lingua catalá á comunidade de fala wolof
Coa guía Dalal jam al català!, editada en versión bilingüe catalán-wolof, preténdese presentarlle a lingua catalá á comunidade islámica e de fala wolof residente en Cataluña.
Fonte: Generalitat de Catalunya
Unha aplicación móbil valorará e fomentará o uso do catalán no comercio
A CatalApp permitiralles ás persoas consumidoras avaliar establecementos comerciais en cuestións relativas ao trato lingüístico recibido en atención oral ou escrita.
Fonte: Plataforma per la Llengua
Ponse en marcha en Cataluña o Voluntariado pola Lingua virtual
O Voluntariado pola Lingua virtual ten como obxectivo que o programa chegue a xente que non pode acollerse a el por mor da distancia xeográfica. Deste xeito, chegará a un maior número de persoas que desexan adquirir un mellor dominio da lingua catalá a través de conversas por videoconferencia.
Fonte: Generalitat de Catalunya
Unha lámina da lingua de signos catalá mostrará as principais expresións utilizadas no ámbito da saúde
A Generalitat de Cataluña editou unha lámina divulgativa da lingua de signos catalá que mostrará as principais expresións no ámbito da saúde co obxectivo de facilitar a primeira comunicación coas persoas xordas signantes.
Fonte: Generalitat de Catalunya
Boletín
Subscríbase ao boletín
