Cataluña
A Raíña Letizia participa na Reunión Anual de directores do Cervantes
A Raíña Letizia participará na Reunión Anual de Directores do Instituto Cervantes, a primeira que se celebra en Cataluña e na que tamén intervirán os ministros de Asuntos Exteriores e de Cultura, José Manuel Albares e Ernest Urtasun. Ademais, participarán no encontro máis de 80 responsables do Instituto, entre equipo directivo en España e directores de centros no exterior.
Fonte: The Diplomat
Dous films do coreano Hong Sang-soo serán as próximas estreas en catalán nos cinemas
Os filmes El nostre dia e In water do director coreano Hong Sang-soo serán as próximas estreas en catalán no cinema. A dobraxe e a subtitulación destas producións contan co apoio da Secretaría de Política Lingüística. No que vai de ano 2024, dobráronse ou subtituláronse en catalán 43 longametraxes.
Fonte: Generalitat de Catalunya
O uso do catalán medra no sector empresarial
A lingua catalá está cada vez máis presente nas comunicacións e os produtos das grandes empresas grazas ao Emmarca't, un proxecto que aproxima a lingua catalá ás grandes marcas por medio de estratexias de márketing baseadas na proximidade e na satisfacción da clientela.
Fonte: Generalitat de Catalunya
A Generalitat recorre a suspensión do decreto que regula o uso das linguas nas escolas catalás
O Goberno da Generalitat de Cataluña recorreu a suspensión por parte do Tribunal Superior de Xustiza do decreto que regula o uso das linguas nas escolas catalás.
Fonte: El País
A UAB ofrece un curso sobre lingua e literatura pali
A Facultade de Tradución e Interpretación da UAB impartirá a primeira edición do curso en liña Introdución á Lingua e á Literatura Pali. Trátase dunha aproximación á lingua empregada nos textos máis antigos do budismo, como os famosos discursos de Buda.
Fonte: UAB
O Tribunal Superior de Xustiza de Cataluña suspende o decreto que rexía o uso do catalán no ensino non universitario
O Tribunal Superior de Xustiza de Cataluña suspende o decreto que pretendía situar o catalán como a lingua vehicular no ensino non universitario e endurecer os requisitos de coñecemento da lingua por parte do profesorado.
Fonte: El País
Publícanse novos ditados en liña para practicar a ortografía da lingua catalá
A Secretaría de Política Lingüística da Generalitat de Cataluña actualizou o recurso didáctico dos Dictats en línia con 52 novos exercicios para practicar a ortografía da lingua catalá.
Fonte: Generalitat de Catalunya
A empresa Ikea recupera o uso do catalán no seu sitio web
Despois de recibir multitude de queixas a través da Plataforma pola Lingua, a empresa sueca Ikea restaurou o uso do catalán no seu sitio web que suprimira no pasado mes de abril.
Fonte: El Confidencial Digital
O TERMCAT actualiza o seu léxico de aditivos alimentarios
O Centro de Terminoloxía de Cataluña (TERMCAT) actualizou a súa base de datos sobre aditivos alimentarios. O léxico, que se pode consultar en liña, está adaptado ás directivas europeas na materia.
Fonte: Gencat
Unha campaña reivindica a diversidade da lingua catalá
O festival "Posa-hi tu l'accent" celebra as variantes dialectais do catalán cunha campaña en redes sociais que reivindica a diversidade e unidade da lingua.
Fonte: Diari de la Llengua
Boletín
Subscríbase ao boletín
