Por primeira vez, unha revista científica internacional, Nature Communications, publicou o resumo e sumario dun artigo en catalán. O estudo, liderado polo Centro de Regulación Xenómica, presenta unha nova metodoloxía para identificar e caracterizar xenes mediante a análise de secuencias de ARN. Este feito representa un fito histórico para a lingua e a ciencia catalás.

Fonte: Ara

Dez marcas de automóbiles ofrecen agora manuais de usuario en liña en catalán, co que se incrementou a cifra de 18 modelos en 2019 a 104 en 2024. A Generalitat de Cataluña está a traballar para ampliar a oferta nesta lingua nos produtos e servizos do sector do automóbil.

Fonte: Generalitat de Catalunya

O Censo de entidades de fomento da lingua catalá alcanzou este ano as 361 entidades, co que duplica o crecemento medio dos últimos anos. Das 361, 200 son do ámbito cultural; 46 de integración social; 42 do ámbito profesional, laboral e empresarial; 36 de mocidade, lecer e deporte; 23 de fomento da lingua; e 13 de ciencia e tecnoloxía.

Fonte: Generalitat de Catalunya

O Consello de Goberno da Universidade de Lleida (UdL) aprobou o Plan de linguas 2024-2026, para reforzar o catalán como lingua oficial e institucional, fomentar o uso das linguas oficiais en Cataluña e promover o plurilingüismo na comunidade universitaria. O plan inclúe accións como axudas para materiais docentes en catalán, a publicación de webs institucionais en occitano e a incorporación da lingua de signos en actos institucionais.

Fonte: Universitat de Lleida

O Plan Ofercat foi servirá para promover o uso do catalán no comercio en seis localidades do Vallès Oriental. Inclúe formación nos establecementos e colaboración cos axentes económicos locais para aumentar o uso do catalán a través de accións formativas, informativas e de sensibilización.

Fonte: Generalitat de Catalunya

O Consello Municipal pola Lingua Catalá, que se constituirá no pleno municipal do 28 de xuño, busca fomentar a participación cidadá e das entidades para impulsar o uso do catalán e mellorar a cohesión social. Este órgano promoverá a lingua catalá en diversos ámbitos municipais e garantirá a súa oficialidade en Terrassa.

Fonte: Ajuntament de Terrassa

O Concello de Vic activou unha caixa de correos cidadá para recoller denuncias lingüísticas e suxestións sobre o uso do catalán e os dereitos lingüísticos. Esta medida forma parte dos esforzos da concellería de Lingua para fortalecer o catalán na cidade.

Fonte: Ajuntament de Vic

O plan de acción Ofercat ten como obxectivo promover o uso do catalán no comercio de Tarragona. Inclúe accións formativas nos propios establecementos e busca garantir a dispoñibilidade lingüística en catalán como un dereito e unha aposta pola calidade do servizo e a responsabilidade social corporativa. O plan conta coa colaboración dos axentes económicos locais e centrará as súas accións en sectores como a hostalería e a restauración, con especial atención aos comercios con maiores déficits lingüísticos.

Fonte: Generalitat de Catalunya

A presenza do catalán nas buscas de Google aumentou significativamente e alcanzou o 56% das buscas nesta lingua. Isto foi consecuencia dun cambio de algoritmo aplicado por Google en agosto de 2023, que mellorou a interpretación das intencións das persoas usuarias.

Fonte: Diari de la Llengua

Un estudo da Enquisa de Servizos Municipais de Barcelona de 2023 revela que o uso do catalán na cidade caeu ao 36,5 %, unha porcentaxe semellante ao 36,1 % do total de Cataluña, segundo a Enquisa de Usos Lingüísticos de 2018. O uso do catalán descendeu progresivamente desde o 49 % en 1989 ata o 37 % en 2023.

Fonte: Diari de la Llengua