Cataluña
Un 56 % das buscas en Google ofrece resultados en catalán grazas a un cambio no algoritmo
A presenza do catalán nas buscas de Google aumentou significativamente e alcanzou o 56% das buscas nesta lingua. Isto foi consecuencia dun cambio de algoritmo aplicado por Google en agosto de 2023, que mellorou a interpretación das intencións das persoas usuarias.
Fonte: Diari de la Llengua
Segundo un estudo, o uso do catalán diminúe na cidade de Barcelona
Un estudo da Enquisa de Servizos Municipais de Barcelona de 2023 revela que o uso do catalán na cidade caeu ao 36,5 %, unha porcentaxe semellante ao 36,1 % do total de Cataluña, segundo a Enquisa de Usos Lingüísticos de 2018. O uso do catalán descendeu progresivamente desde o 49 % en 1989 ata o 37 % en 2023.
Fonte: Diari de la Llengua
Increméntase en 16 puntos a oferta de tecnoloxías lingüísticas en catalán desde 2020
A actualización do directorio sobre o catalán e as tecnoloxías da linguaxe amosa un incremento significativo do número de produtos e servizos dixitais que inclúen esta lingua.
Fonte: Generalitat de Catalunya
Unha investigación analiza os motivos de abandono e continuidade do alumnado dos cursos de catalán
Este proxecto universitario analiza as causas da continuidade e o abandono do alumnado dos cursos de catalán do CPNL a partir do estudo da traxectoria de 450 000 estudantes desta entidade.
Fonte: Generalitat de Catalunya
Plataforma per la Llengua conmemora o seu 30 aniversario cunha nova campaña en defensa do catalán
«La veu que creix» é o lema da nova campaña desta entidade coa que conmemora os seus 30 anos de traballo a prol do dereito de vivir plenamente en catalán.
Fonte: Plataforma per la Llengua
L’Espluga de Francolí acollerá o primeiro festival sobre as variantes dialectais do catalán
«Posa-hi tu l’accent» é o nome deste festival que se celebrará entre os días 27 e 29 de setembro e que pretende reunir e poñer en valor o conxunto de variantes dialectais do catalán.
Fonte: Diari de la Llengua
As audioguías da Sagrada Familia incorporan o galego e o éuscaro
Desde o mes de maio, o galego e o éuscaro forman parte da lista de idiomas dispoñibles nas audioguías da Sagrada Familia, que ata o momento se ofrecía en 17 linguas.
Fonte: Sagrada Familia
O novo decreto educativo de Cataluña obriga a acreditar un C2 de catalán para exercer a docencia
O Goberno de Cataluña aprobou o Decreto de réxime lingüístico do sistema educativo que pretende outorgarlles máis seguridade xurídica aos proxectos lingüísticos dos centros. No texto fíxase o catalán como lingua vehicular na aula e nas actividades extraescolares.
Fonte: Diari de la Llengua
Os centros sanitarios públicos de Cataluña contarán cun plan de xestión lingüística
Estes plans de xestión lingüística garantirán que as persoas usuarias sexan atendidas na lingua da súa elección e que se respecten os seus dereitos lingüísticos.
Fonte: VilaWeb
Preséntase unha guía dirixida aos profesionais sanitarios para falar en catalán cos pacientes
No acto de benvida a novos residentes, destacouse a importancia da atención sanitaria en catalán aos pacientes e repartiuse entre os asistentes a Guia fàcil per parlar en català amb els pacients.
Fonte: Generalitat de Catalunya
Boletín
Subscríbase ao boletín
